पाथर्डी । वीरभूमी - 29-Mar, 2021, 12:00 AM

होळीच्या निमित्ताने शहरातील न्यू अष्टवाडा मित्र मंडळाने सोशल डिस्टन्सिंग व कोरोनाचे नियम पाळत प्रतिकात्मक रित्या कोरोना विषाणूचे दहन करून होळी साजरी करण्यात आली.

आपल्यावर आलेले हे कोरोनाचे संकट लवकर जावो व कोरोनाचा नायनाट व्होवो. तसेच कोरोना बद्दलची जनजागृती होऊन लोकांमध्ये सामाजिक संदेश जावा, या उद्देशाने अष्टवाडा मित्र मंडळाने हा छोटासा उपक्रम केला आहे. तसेच परिसरातील महिलांनी पारंपारिक पध्दतीने होळीचे पुजन केले.

होळीच्या या पवित्र अग्निमध्ये कोरोनाचे दहन होवो आणि सर्वांच्या आयुष्यात आनंद, सुख, समृध्दी, आरोग्य आणि शांती नांदो अशा सदिच्छा न्यू अष्टवाडा मित्र मंडळाचे अध्यक्ष आतिष निर्‍हाळी यांनी दिल्या.

यावेळी दत्तात्रय निर्‍हाळी, प्रदीप निर्‍हाळी, दिलीप निर्‍हाळी, शशिकांत निर्‍हाळी यांच्या हस्ते होळी पेटवण्यात आली.

यावेळी मंडळाचे कार्यकर्ते अक्षय वराडे, आतिष निर्‍हाळी, ओम भालसिंग, संदेश बाहेती, विशाल निर्‍हाळी, निलेश गुरव, प्रताप निर्‍हाळी, प्रतीक वराडे, आकाश भतोडे, सुमित तरवडे, निखिल निर्‍हाळी, प्रतीक पारेकर,

धनंजय खाटीक, आकाश निर्‍हाळी, ओम बदडे, विपुल निर्‍हाळी, गणेश पारेकर, नितीश निर्‍हाळी व सर्व मंडळाचे कार्यकर्ते उपस्थित होते.