अहमदनगर । वीरभूमी - 25-Apr, 2021, 12:00 AM

दिवसेंदिवस वाढत्या कोरोना बाधितांच्या चिंतेतून आज नगरकरांना काहीसा दिलासा मिळाला. रविवारी अ‍ॅक्टिव कोरोना बाधित रुग्णांची संख्या घटल्यानंतर आजही कोरोना बाधितांच्या संख्येत घट झाली आहे. आज सोमवारी जिल्ह्यात 2866 कोरोना बाधित आढळून आले.

काही दिवसापासून कोरोना बाधितांचा आकडा दिवेंदिवस वाढत होता. राज्यासह जिल्ह्यात कडक लॉकडाऊन व विकेंड लॉकडाउन नंतर आज कोरोना बाधितांच्या आकडेवारीत घट झाल्याने काहीसा दिलासा मिळावा. आज जिल्ह्यात 2866 कोरोना बाधित आढळले.

नागरिकांनी अशाचप्रकारे नियम पाळले तर आपण लवकरच कोरोनाचा हरवू शकू, असा विश्वास या निमित्ताने व्यक्त होत आहे. मात्र दोन दिवसाच्या विकेंड लॉकडाऊननंतर आज सोमवारी सकाळी 11 वाजेपर्यंत अत्यावश्यक सेवा सुरू असल्याने नागरिकांनी काही ठिकाणी गर्दी केली होती. यामुळे अशीच गर्दी राहीली तर कोरोना बाधितांच्या संख्येत पुन्हा वाढ होण्याची भिती व्यक्त होत आहे.

नगर शहराचा आकडा आज निम्म्याने घटला आहे मात्र काही तालुक्यांची आकडेवारी वाढली आहे. आज कोपरगाव तालुका वगळता इतर तालुक्याची आकडे वारी शंभरच्या पुढे तर काही तालुक्याची आकडेवारी दोनशेच्या पुढे गेल्याने चिंता व्यक्त केली जात आहे.

आज सोमवारी जिल्ह्यात 2866 कोरोना बाधित आढळले आहेत. यामध्ये जिल्हा रुग्णांलयाच्या चाचणी अहवालात 1608, खाजगी प्रयोगशाळेतील तपासणी अहवालात 642 तर अँटीजेन चाचणीत 616 असे 3493 कोरोना बाधित आढळून आले.

आज आढळलेल्या कोरोना बाधितांमध्ये नगर शहराचा आकडा 469 वर आला असून संगमनेर 392, अकोले 277, शेवगाव 234, कर्जत 183, राहाता 159, नगर ग्रामीण 157, पारनेर 126, पाथर्डी 126, नेवासा 124, राहुरी 120, श्रीगोंदा 115, श्रीरामपूर 101, जामखेड 100, भिंगार कन्टेंमेंट 72, कोपरगाव 72, इतर जिल्हा 26, मिलटरी हॉस्पिटल 12, इतर राज्य 01 असे रुग्ण आढळले आहेत.

जिल्ह्यातील वाढत्या कोरोना संसर्गामुळे चिंता व्यक्त केली जात असतांना नागरिकांनी नियमाचे पालन करावे. विनाकारण घराबाहेर पडू नये, तोंडाला नियमित मास्क लावावा, नियमित हात स्वच्छ धुवावे, सॅनिटायझरचा वापर करावा व लसीकरण करून घ्यावे असे आवाहन करण्यात येत आहे.