शेवगाव, पाथर्डी, जामखेडची आकडेवारी शंभरच्या आत
अहमदनगर । वीरभूमी - 27-Apr, 2021, 12:00 AM
आज मंगळवारी सलग तिसर्‍या दिवशी कोरोना बाधितांचा आकडा घटला आहे. आज मंगळवारी जिल्ह्यात 2655 कोरोना बाधित आढळल्याने नगरकरांना दिलासा मिळाला आहे.
दिवसेंदिवस कोरोना बाधितांचा आकडा वाढत असतांना चिंता व्यक्त केली जात होती. मात्र आज सलग तिसर्‍या दिवशी कोरोना बाधितांची संख्या घटल्याने अल्पसा दिलासा मिळाला आहे.
आज मंगळवारी जिल्ह्यात 2655 कोरोना बाधित आढळले आहेत. यामध्ये जिल्हा रुग्णांलयाच्या चाचणी अहवालात 701, खाजगी प्रयोगशाळेतील तपासणी अहवालात 1185 तर अँटीजेन चाचणीत 769 असे 2655 कोरोना बाधित आढळून आले.
आज आढळलेल्या कोरोना बाधितांमध्ये नगर शहराचा आकडा 581 वर आला असून राहाता 301, नगर ग्रामीण 221, राहुरी 218, श्रीगोंदा 161, संगमनेर 148, श्रीरामपूर 144, अकोले 133, पारनेर 117, कोपरगाव 116, नेवासा 113, कर्जत 106, पाथर्डी 97, जामखेड 86, शेवगाव 71, इतर जिल्हा 24, भिंगार कन्टेंमेंट बर्डो 18 असे रुग्ण आढळले आहेत.
जिल्ह्यातील वाढत्या कोरोना संसर्गामुळे चिंता व्यक्त केली जात असतांना नागरिकांनी नियमाचे पालन करावे. विनाकारण घराबाहेर पडू नये, तोंडाला नियमित मास्क लावावा, नियमित हात स्वच्छ धुवावे, सॅनिटायझरचा वापर करावा व लसीकरण करून घ्यावे असे आवाहन करण्यात येत आहे.
VUGCSwnFygkKp