अहमदनगर । वीरभूमी - 06-May, 2021, 12:00 AM

नगर जिल्ह्यातील कोरोना बाधितांची संख्या दिवसेंदिवस वाढत आहे. आज आढळलेल्या बाधितांची आकडेवारीमध्ये घट झाली आहे. आज गेल्या चोवीस तासात तब्बल 4139 कोरोना बाधित आढळले.

कमी झालेली आकडेवारी पुन्हा वाढू लागली आहे. आज कोरोना बाधितांची संख्या पुन्हा चार हजाराच्या पुढेच राहीली आहे. जिल्ह्यात आज आढळलेल्या कोरोना बाधितांमध्ये नगर शहरापाठोपाठ श्रीगोंदा तालुक्याची आकडेवारी 400 च्या पुढे गेली आहे. त्याचप्रमाणे पारनेर, कोपरगाव व नगर ग्रामीणचा आकडा 300 च्या पुढेच आहे.

तर आज पाथर्डी, अकोले, जामखेड, श्रीरामपूर वगळता इतर तालुके दोनशेच्या पुढे आहेत. यातील अनेक तालुक्यात सध्या जनता कर्फ्यू सुरू असतांनाही कोरोना बाधितांची संख्या झटपाट्याने वाढत असल्याने चिंता व्यक्त केली जात आहे.

आज गुरुवारी आढळलेल्या बाधितांमध्ये जिल्हा रुग्णांलयाच्या चाचणी अहवालात 951, खाजगी प्रयोगशाळेतील तपासणी अहवालात 2140 तर अँटीजेन चाचणीत 1048 असे 4139 कोरोना बाधित आढळून आले.

आज आढळलेल्या बाधितांमध्ये नगर शहर 674, श्रीगोंदा 436, नगर ग्रामीण 359, पारनेर 334, कोपरगाव 321, राहाता 264, राहुरी 263, संगमनेर 210, कर्जत 205, शेवगाव 205, नेवासा 201, पाथर्डी 164, अकोले 145, इतर जिल्हा 135, जामखेड 107, श्रीरामपूर 64, भिंगार कन्टेन्मेंट 48, मिलटरी हॉस्पिटल 01, इतर राज्य 03 असे रुग्ण आढळून आले.

जिल्ह्यातील अनेक तालुक्यात जनता कर्फ्यू असतांनाही कोरोना बाधितांची संख्या वाढत असल्याने चिंता व्यक्त केली जात आहे. वाढत्या कोरोना संसर्गामुळे चिंता व्यक्त केली जात असतांना नागरिकांनी नियमाचे पालन करावे. विनाकारण घराबाहेर पडू नये, तोंडाला नियमित मास्क लावावा, नियमित हात स्वच्छ धुवावे, सॅनिटायझरचा वापर करावा व लसीकरण करून घ्यावे असे आवाहन करण्यात येत आहे.