अहमदनगर । वीरभूमी - 07-May, 2021, 12:00 AM

नगर जिल्ह्यातील कोरोना बाधितांची संख्या दिवसेंदिवस वाढत आहे. आज पुन्हा कोरोना बाधितांचे नव्याने रेकॉर्ड झाले आहे. आज शुक्रवारी आढळलेल्या बाधितांची संख्या 4594 वर गेली आहे. हा आकडा यावर्षीचा उच्चांक आहे.

कमी झालेली आकडेवारी पुन्हा वाढू लागली आहे. आज कोरोना बाधितांच्या संख्येने नवा उच्चांक केला आहे. जिल्ह्यात आज आढळलेल्या कोरोना बाधितांमध्ये नगर शहरापाठोपाठ नगर ग्रामीण, श्रीगोंदा तालुक्यांची आकडेवारी 400 च्या पुढे आहे. त्याचप्रमाणे संगमनेर, राहाताचा आकडा 300 च्या पुढे आहे.

तर आज पाथर्डी, अकोले, कर्जत, जामखेड वगळता इतर तालुके दोनशेच्या पुढे आहेत. यातील अनेक तालुक्यात सध्या जनता कर्फ्यू सुरू असतांनाही कोरोना बाधितांची संख्या झटपाट्याने वाढत असल्याने चिंता व्यक्त केली जात आहे.

आज शुक्रवारी आढळलेल्या बाधितांमध्ये जिल्हा रुग्णांलयाच्या चाचणी अहवालात 1009, खाजगी प्रयोगशाळेतील तपासणी अहवालात 2665 तर अँटीजेन चाचणीत 920 असे 4594 कोरोना बाधित आढळून आले.

आज आढळलेल्या बाधितांमध्ये नगर शहर 732, नगर ग्रामीण 463, श्रीगोंदा 425, संगमनेर 381, राहाता 315, राहुरी 287, कोपरगाव 277, श्रीरामपूर 247, पारनेर 230, शेवगाव 212, नेवासा 207, अकोले 187, कर्जत 180, पाथर्डी 132, इतर जिल्हा 126, जामखेड 106, भिंगार कन्टेन्मेंट 61, मिलटरी हॉस्पिटल 18, इतर राज्य 08 असे रुग्ण आढळून आले.

जिल्ह्यातील अनेक तालुक्यात जनता कर्फ्यू असतांनाही कोरोना बाधितांची संख्या वाढत असल्याने चिंता व्यक्त केली जात आहे. वाढत्या कोरोना संसर्गामुळे चिंता व्यक्त केली जात असतांना नागरिकांनी नियमाचे पालन करावे. विनाकारण घराबाहेर पडू नये, तोंडाला नियमित मास्क लावावा, नियमित हात स्वच्छ धुवावे, सॅनिटायझरचा वापर करावा व लसीकरण करून घ्यावे असे आवाहन करण्यात येत आहे.