अहमदनगर । वीरभूमी - 27-May, 2021, 12:00 AM
जिल्ह्यातील कोरोना बाधितांच्या आकडेवारीत आज 597 ने घट झाली आहे. आज गुरुवारी जिल्ह्यात 1610 कोरोना बाधित आढळले आहेत. अनेक दिवसाच्या प्रतिक्षेनंतर एकुण कोरोना बाधितांचा आकडा घटल्याने समाधान व्यक्त होत आहे.
जिल्ह्यातील कोरोना बाधितांच्या आकडेवारीत कधी घट तर कधी वाढ होत असल्याचे चित्र आहे. काल बुधवारी 16 न वाढ झाल्यानंतर आज गुरुवारी 597 ने घट झाली आहे. आज आढळलेल्या बाधितांच्या आकडेवारीत नेवासा तालुका प्रथम क्रमांकावर आला आहे. मात्र ती आकडेवारीही दोनशेच्या आत असल्याने दिलासा मिळाला आहे. तर आज आढळलेल्या कोरोना बाधितांच्या आकडेवारीत तब्बल आठ तालुक्यांचा आकडा शंभरच्या आत आहे.
जिल्ह्यातील एकुण आकडेवारी कमी होत असल्याने समाधान व्यक्त होत आहे. नागरिकांनी असाच संयम पाळला तर लवकरच संपूर्ण जिल्हा कोरोना मुक्त होईल असा विश्वास व्यक्त केला जात आहे. आज प्रथमच आकडा दीड हजार पर्यंत आल्याने समाधान व्यक्त होत आहे.
आज गुरुवारी आढळलेल्या बाधितांमध्ये जिल्हा रुग्णांलयाच्या चाचणी अहवालात 201, खाजगी प्रयोगशाळेतील तपासणी अहवालात 738 तर अँटीजेन चाचणीत 671 असे 1610 कोरोना बाधित आढळून आले.
आज आढळून आलेली आकडेवारी- नेवासा 187, संगमनेर 127, राहुरी 126, कोपरगाव 123, शेवगाव 123, अकोले 122, नगर शहर 112, श्रीरामपूर 95, पारनेर 90, नगर ग्रामीण 90, राहाता 86, पाथर्डी 86, जामखेड 82, श्रीगोंदा 73, कर्जत 71, इतर जिल्हा 14, भिंगार 03 असे कोरोना बाधित आढळले आहेत.
कोरोना रोखण्यासाठी नागरिकांनी नियमाचे पालन करावे, विनाकारण घराबाहे पडू नये, नियमित मास्क लावावा, सोशल डिस्टन्सिंग नियमाचे पालन करावे, नियमित हात स्वच्छ धुवावे, असे आवाहन प्रशासनाच्यावतीने करण्यात येत आहे.
WSobJrpTXCKkO