अहमदनगर । वीरभूमी - 29-May, 2021, 12:00 AM

अहमदनगर जिल्ह्यातील कोरोना बाधितांचा आकडा घटत चालला असतांना आज त्यामध्ये थोडीसी वाढ झाली आहे. आज शनिवारी कोरोना बाधितांच्या आकडेवारीत 180 ने वाढ झाली असून तो 1588 वर पोहोचला आहे. यामुळे पुन्हा चिंता वाढण्याची भिती व्यक्त होत आहे.

जिल्ह्यातील कोरोना बाधितांच्या आकडेवारीत काही दिवसापासून समाधानकारक घट होत होती. यामुळे दिलासा मिळत असतांना आज शनिवारी कोरोना बाधितांच्या आकडेवारीत 180 ने भर पडली आहे. पुन्हा कोरोना बाधितांच्या आकडेवारीत वाढ होऊ लागल्याने चिंता व्यक्त केली जात आहे.

आज आढळलेल्या बाधितांच्या आकडेवारीत शेवगाव तालुका सर्वोच्च स्थानावर पोहोचला असून ती आकडेवारी 182 एवढी आहे. मात्र ती आकडेवारी दोनशेच्या आत असल्याने दिलासा मिळाला आहे. तर श्रीरामपूर, पारनेर, नगर ग्रामीण, अकोले, संगमनेर, राहुरी व जामखेड शंभरच्या पुढे आहे. तर इतर ठिकाणची आकडेवारी शंभरच्या आत आली आहे.

जिल्ह्यातील वाढत्या कोरोना बाधितांचा आकडा आज पुन्हा दीड हजार पार गेला आहे. यामुळे नागरिकांमधून काही अंशी चिंता व्यक्त केली जात आहे. आकडेवारी रोखण्यासाठी नागरिकांनी प्रशासनास सहकार्य करण्याचे आवाहन केले जात आहे.

आज शनिवारी आढळलेल्या बाधितांमध्ये जिल्हा रुग्णांलयाच्या चाचणी अहवालात 479, खाजगी प्रयोगशाळेतील तपासणी अहवालात 530 तर अँटीजेन चाचणीत 579 असे 1588 कोरोना बाधित आढळून आले.

आज आढळून आलेली आकडेवारी- शेवगाव 182, श्रीरामपूर 170, पारनेर 142, नगर ग्रामीण 134, अकोले 126, संगमनेर 117, राहुरी 110, जामखेड 109, श्रीगोंदा 99, पाथर्डी 79, नगर शहर 69, कोपरगाव 67, राहाता 67, कर्जत 49, नेवासा 43, इतर जिल्हा 14, भिंगार 08, मिलटरी हॉस्पिटल 03 असे कोरोना बाधित आढळले आहेत.

कोरोना रोखण्यासाठी नागरिकांनी नियमाचे पालन करावे, विनाकारण घराबाहे पडू नये, नियमित मास्क लावावा, सोशल डिस्टन्सिंग नियमाचे पालन करावे, नियमित हात स्वच्छ धुवावे, असे आवाहन प्रशासनाच्यावतीने करण्यात येत आहे.