अहमदनगर । वीरभूमी- 29-May, 2021, 12:00 AM

जिल्ह्यात आज तब्बल 1796 रुग्णांनी कोरोनावर मात केल्याने त्यांना रुग्णालयातून डिस्चार्ज देण्यात आला. यामुळे आता बरे झालेल्या रुग्णांची एकूण संख्या 2 लाख 45 हजार 042 इतकी झाली आहे. तसेच रुग्ण बरे होण्याचे जिल्ह्यातील प्रमाणात वाढ होऊन ते आता 94.33 टक्के इतके झाली आहे. यामुळे नगरकरांना दिलासा मिळाला असतांनाच गेल्या चोवीस तासात तब्बल 26 जणांचा मृत्यू झाल्याची नोंद आहे.

दरम्यान, आज जिल्ह्याच्या रूग्ण संख्येत 1588 ने वाढ झाल्याने उपचार सुरू असणार्‍या रुग्णांच्या संख्येत घट होऊन ती आता 11 हजार 629 इतकी झाली आहे.

आज शनिवारी जिल्हा रुग्णालयाच्या कोरोना टेस्ट लॅब मध्ये 479, खाजगी प्रयोगशाळेत केलेल्या तपासणीत 530 आणि अँटीजेन चाचणीत 579 रुग्ण बाधीत आढळले.

दरम्यान, आज डिस्चार्ज मिळालेल्या रुग्णामध्ये मनपा 91, अकोले 201, जामखेड 23, कर्जत 90, कोपरगाव 68, नगर ग्रामीण 95, नेवासा 92, पारनेर 115, पाथर्डी 113, राहाता 81, राहुरी 185, संगमनेर 354, शेवगाव 46, श्रीगोंदा 73, श्रीरामपूर 146, कॅन्टोन्मेंट 01, इतर जिल्हा 22 अशा रुग्णांचा समावेश आहे.

जिल्ह्यातील एकुण कोरोना बाधितांची संख्या 2 लाख 59 हजार 783 वर पोहोचली असून आतापर्यंत तब्बल 2 लाख 45 हजार 042 जणांनी कोरोनावर मात केल्याने त्यांना डिस्चार्ज देण्यात आला आहे. तर आतापर्यंत 3112 रुग्णांचा उपचार सुरू असतांना मृत्यू झाला आहे. तर सध्या 11 हजार 629 जणांवर उपचार सुरू आहेत.

कोरोना साखळी तोडण्यासाठी नागरिकांनी विनाकारण घराबाहेर पडू नये. नियमित मास्क वापरावा, सोशल डिस्टन्सिंग नियमाचे पालन करावे, नियमित हात स्वच्छ धुवावे, असे आवाहन प्रशासनाच्यावतीने करण्यात येत आहे.