अहमदनगर । वीरभूमी - 01-Jun, 2021, 12:00 AM

अहमदनगर जिल्ह्याला सोमवारी मोठा दिलासा मिळाल्यानंतर आज मंगळवारी सोमवारच्या तुलनेत 240 ने वाढ झाली आहे. आज मंगळवारी जिल्ह्यात एकुण 1152 कोरोना बाधित आढळले आहेत. आज आढळलेल्या कोरोना बाधितांचा आकडा पुन्हा हजारी पार गेल्याने चिंता व्यक्त केली जात आहे.

अनेक दिवसाच्या प्रतिक्षेनंतर सोमवारी दरदिवशी आढळणार्‍या कोरोना बाधितांचा आकडा हजाराच्या आत आला होता. मात्र आज मंगळवारी या आकडेवारीत थोडीशी वाढ झाली आहे. आज आढळलेल्या आकडेवारीत संगमनेर सर्वोच्च स्थानावर कायम राहीले असून त्या खालोखाल नेवासा कायम असून तिसर्‍या स्थानावर श्रीगोंद्याची एंन्ट्री झाली आहे. तर शेवगावचा क्रमांक एकने घसरत चौथ्या स्थानावर आले आहे.

आज मंगळवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 375, खाजगी प्रयोगशाळेतील तपासणी अहवालात 423 तर अँटीजेन चाचणीत 349 असे 1152 कोरोना बाधित आढळून आले.

आज आढळून आलेली तालुकानिहाय आकडेवारी पुढील प्रमाणे- संगमनेर 153, नेवासा 137, श्रीगोंदा 118, शेवगाव 89, पारनेर 86, अकोले 82, राहाता 73, श्रीरामपूर 71, नगर ग्रामीण 66, जामखेड 61, राहुरी 54, पाथर्डी 51, कर्जत 38, नगर शहर 36, कोपरगाव 20, इतर जिल्हा 12 भिंगार 05 असे कोरोना बाधित आढळले आहे.

नागरिकांनी असाच संयम ठेवल्यास आकडेवारी कमी होऊन संपूर्ण जिल्हा कोरोना मुक्त होईल. यासाठी नागरिकांनी शासनाने ठरवून दिलेल्या नियमाचे पालन करावे, असे आवाहन केले जात आहे.