अहमदनगर । वीरभूमी- 31-Jul, 2021, 12:00 AM

गेल्या काही दिवसापासून कोरोना बाधितांच्या आकड्यात वाढ होत असल्याने नागरिकांमधून चिंता व्यक्त केली जात आहे. आज शनिवारी जिल्ह्यात तब्बल 1050 कोरोना बाधित आढळले आहेत. कोरोना संसर्ग वाढीला नागरिकांचा बेजबाबदारपणा कारणीभूत ठरत आहे.

आज शनिवारी शुक्रवारच्या तुलनेत कोरोना बाधितांच्या आकडेवारीत तब्बल 132 ने वाढ झाली आहे. आज आढळलेल्या बाधितांमध्ये संगमनेर, पारनेर, शेवगाव व कर्जतने शंभरचा आकडा पार केला आहे. पहिल्या क्रमांकावर संगमनेर, दुसरा पारनेर तर तिसर्‍या क्रमांकावर शेवगाव आहे.

वाढता कोरोना संसर्ग रोखण्यासाठी प्रशासनाने कठोर पावले उचलली आहेत. मात्र नागरिकांच्या बेजबाबदारपणामुळे कोरोना बाधितांचा आकडा वाढताच आहे. यामुळे कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.

आज शनिवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 107, खाजगी प्रयोगशाळेतील तपासणी अहवालात 501 तर अँटीजेन चाचणीत 442 असे 1050 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 154, पारनेर 137, शेवगाव 132, कर्जत 126, जामखेड 92, नगर ग्रामीण 54, श्रीगोंदा 49, अकोले 48, नेवासा 39, पाथर्डी 38, राहाता 37, राहुरी 37, श्रीरामपूर 33, कोपरगाव 32, नगर शहर 25, इतर जिल्हा 15, भिंगार 02 असे कोरोना बाधित आढळून आले.