अहमदनगर । वीरभूमी- 07-Aug, 2021, 12:00 AM

अहमदनगर जिल्ह्यातील कोरोना बाधितांचा आकडा एक दिवस कमी तर एक दिवस जास्त अशी परिस्थिती झाली आहे. आज शनिवारी पुन्हा एकदा कोरोना बाधितांचा आकड्यामध्ये वाढ झाली आहे. आज जिल्ह्यात तब्बल 846 कोरोना बाधित आढळून आले.

आज शनिवारी आढळलेल्या बाधितांमध्ये पारनेर तालुका पहिल्या स्थानावर आहे. तर शेवगाव दुसर्‍या, संगमनेर तिसर्‍या स्थानावर आहेत. विशेष म्हणजे या तिनही तालुक्यातील आजची आकडेवारी शंभरी पार आहे.

शुक्रवारी एकुण आकडेवारीत घट झाल्यानंतर आज शनिवारी एकुण आकडेवारीत पुन्हा एकदा वाढ झाली आहे. यामुळे नगरकरांची चिंता वाढली आहे. कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.

आज शनिवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 186, खाजगी प्रयोगशाळेतील तपासणी अहवालात 340 तर अँटीजेन चाचणीत 320 असे 846 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- पारनेर 132, शेवगाव 120, संगमनेर 106, नगर ग्रामीण 77, कर्जत 68, अकोले 51, श्रीगोंदा 48, राहुरी 41, नेवासा 40, राहाता 30, कोपरगाव 29, नगर शहर 29, पाथर्डी 28, श्रीरामपूर 27, इतर जिल्हा 11, जामखेड 09 असे कोरोना बाधित आढळून आले.