अहमदनगर । वीरभूमी- 15-Aug, 2021, 12:00 AM
अहमदनगर जिल्ह्यातील कोरोना बाधितांच्या आकड्यामध्ये आज पुन्हा थोडीसी घट झाली आहे. मात्र संगमनेरचा आकडा आजही वाढताच असल्याने चिंता वाढली आहे. आज रविवार दि. 15 ऑगस्ट रोजी जिल्ह्यात तब्बल 864 कोरोना बाधित आढळले.
आज आढळलेल्या बाधितांमध्ये शेवगाव दुसर्‍यानावर असून श्रीगोंदा तिसर्‍या स्थानावर आहे. तर पारनेर आज चौथ्या स्थानावर आले आहे. शनिवारच्या तुलनेत आज एकुण आकडेवारीत घट झाली आहे. मात्र आकडा हा मोठा असल्याने चिंता कायम राहीली आहे.
त्यातच आज रविवार दि. 15 ऑगस्ट पासून कोरोना निर्बंध शिथिल करण्यात आले असून दुकानदारांना रात्री 10 पर्यंत दुकाने उघडे ठेवण्याची परवानगी देण्यात आली आहे. गेल्या काही दिवसापासून कोरोना बाधितांची आकडेवारी कमी जास्त होत असतांना गेल्या दोन दिवसापासून आकडेवारीत घट झाली आहे.
कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.
आज रविवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 158, खाजगी प्रयोगशाळेतील तपासणी अहवालात 395 तर अँटीजेन चाचणीत 311 असे 864 कोरोना बाधित आढळून आले.
आज आढळून आलेली तालुकानिहाय आकडेवारी पुढीलप्रमाणे- संगमनेर 147, शेवगाव 87, श्रीगोंदा 86, पारनेर 71, नगर ग्रामीण 67, अकोले 56, कर्जत 51, राहाता 51, नेवासा 47, राहुरी 42, जामखेड 38, नगर शहर 37, पाथर्डी 31, कोपरगाव 15, इतर जिल्हा 15, भिंगार 14, श्रीरामपूर 09 असे कोरोना बाधित आढळून आले.
yTYNtFGJM