अहमदनगर । वीरभूमी- 20-Aug, 2021, 12:00 AM

अहमदनगर (ahmednagar) : दोन दिवसापासून कोरोना (corona) बाधितांचा आकडा वाढत असल्याने चिंता व्यक्त केली जात होती. मात्र आज शुक्रवारी जिल्ह्यातील एकुण कोरोना बाधितांचा आकडा घटला आहे. आज जिल्ह्यात 650 कोरोना बाधित आढळले. बाधितांचा आकडा घटल्याने तुर्तास दिलासा मिळाला आहे.

आज आढळलेल्या बाधितांमध्ये संगमनेर (sangamner) टॉपवर असून अजही संगमनेरने शंभरचा आकडा पार केला आहे. तर इतर तालुक्याची आकडेवारी 50 च्या आत आली आहे. खाजगी प्रयोगशाळेतील चाचणीत आढळणार्‍या आकडेवारीचा आकडा हा 389 वर असल्याने हा आकडा एकुण आकडेवारीच्या 50 टक्केपेक्षा जास्त आहे.

सध्या निर्बंध शिथिल करण्यात आल्याने नागरिकांनी काळजी घ्यावी. घराबाहेर पडतांना कोरोना संसर्ग टाळण्यासाठी नागरिकांनी नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.

आज शुक्रवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 72, खाजगी प्रयोगशाळेतील तपासणी अहवालात 389 तर अँटीजेन चाचणीत 189 असे 650 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 144, नगर ग्रामीण 50, पाथर्डी 50, पारनेर 48, अकोले 46, नगर शहर 39, नेवासा 36, शेवगाव 35, कर्जत 34, राहुरी 31, कोपरगाव 29, श्रीगोंदा 28, जामखेड 25, श्रीरामपूर 21, राहाता 20, इतर जिल्हा 12, भिंगार 02 असे कोरोना बाधित आढळून आले.