अहमदनगर । वीरभूमी- 21-Aug, 2021, 12:00 AM

आजही अहमदनगर (Ahmednagar) जिल्ह्यातील एकुण कोरोना (corona) बाधितांच्या आकडेवारीत किंचितशी घट झाली आहे. आज शनिवारी जिल्ह्यात एकुण 634 कोरोना बाधित आढळले. एकुण आकडेवारी कमी झाली असली तरी संगमनेर (sangamner), पारनेर (parner), अकोले (akole), पाथर्डी (pathardi) या तालुक्यांची आकडेवारी वाढली आहे.

आज आढळलेल्या बाधितांमध्ये संगमनेर टॉपवर असून अजही संगमनेरने शंभरचा आकडा पार केला आहे. आज पुन्हा पारनेर तालुका दुसर्‍या स्थानावर तर अकोले तिसर्‍या स्थानावर आले आहेत. काही तालुक्याची एकुण आकडेवारी वाढली आहे तर काही तालुक्यांची आकडेवारी घटली आहे.

राज्यातील कोरोना संसर्ग घटल्याने निर्बंधात शिथीलता आणली आहे. मात्र अहमदनगर जिल्ह्यातील कोरोना बाधितांची आकडेवारी जास्त असल्याने चिंता व्यक्त केली जात आहे. निर्बंध शिथिल केले असले तरी नागरिकांनी खबरदारीचा उपाय म्हणुन शासनाने ठरवून दिलेल्या नियमाचे पालन करावे.

आज शनिवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 121, खाजगी प्रयोगशाळेतील तपासणी अहवालात 232 तर अँटीजेन चाचणीत 281 असे 634 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 120, पारनेर 97, अकोले 57, पाथर्डी 53, श्रीगोंदा 41, नगर ग्रामीण 38, कर्जत 35, नेवासा 31, शेवगाव 31, जामखेड 30, राहाता 22, राहुरी 22, नगर शहर 20, इतर जिल्हा 20, कोपरगाव 09, भिंगार 5, श्रीरामपूर 3 असे कोरोना बाधित आढळून आले.