अहमदनगर । वीरभूमी- 21-Sep, 2021, 12:00 AM

अहमदनगर जिल्ह्यातील कोरोना बाधितांच्या आकडेवारीत आज पुन्हा वाढ झाली आहे. आज मंगळवारी एकुण 652 कोरोना बाधित आढळले. वाढत्या आकडेवारीमुळे चिंता वाढली आहे.

आज आढळलेल्या बाधितांमध्ये प्रथम क्रमांकावर संगमनेर 151 तर पारनेर 114 दुसर्‍या क्रमांकावर आहे. तर इतर तालुक्यांची आकडेवारी 45 च्या आत असल्याने काही अंशी दिलासा मिळत आहे.

आज मंगळवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 110, खाजगी प्रयोगशाळेतील तपासणी अहवालात 264 तर अँटीजेन चाचणीत 278 असे 652 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 151, पारनेर 114, राहाता 45, राहुरी 43, नगर ग्रामीण 40, कर्जत 33, अकोले 29, श्रीगोंदा 28, श्रीरामपूर 27, जामखेड 26, पाथर्डी 22, नेवासा 21, नगर शहर 19, कोपरगाव 19, शेवगाव 19, इतर जिल्हा 16 असे कोरोना बाधित आढळून आले.

कोरोना संगर्स रोखण्यासाठी नागरिकांनी नियमित मास्कचा वापर करावा, सोशल डिस्टन्सिंग नियमाचे पालन करावे. नियमित स्वच्छ हात धुवावे. शासनाने ठरवून दिलेल्या नियमाचे पालन करावे, असे आवाहन प्रशासनाच्यावतीने करण्यात येत आहे.