पारनेर । वीरभूमी - 30-Sep, 2021, 12:00 AM

भरधाव जाणार्‍या पिकअपने दुचाकीला पाठीमागून धडक दिल्याने दुचाकीवरील तिघांचा जागूच मृत्यू झाला. हा अपघात पारनेर तालुक्यातील ढोकी शिवारात झाला. भरधाव पिकअप नगरहुन टाकळी ढोकेश्वरकडे चालली होती.

या अपघातात दुचाकीवरील तिघांना बरेच अंतर फरफटत नेल्याने तिघांचे मृतदेह छिन्नविछन्न अवस्थेत आढळून आले. आ अपघात गुरुवारी सायंकाळी साडेपाच वाजेच्या दरम्यान घडला.

याबाबत समजलेली माहिती अशी की, अहमदनरहुन टाकळी ढोकेश्वरकडे मालवाहू पिकअप भरधाव वेगाने जात होती. या पिकअपने कल्याण-विशाखापट्टणम् महामार्गावरील टोलनाका ओलांडल्यानंतर पुढे जाणार्‍या होंडा शाईन या दुचाकीला जोराची धडक मारली. धडक इतकी जोरात होती की, दुचाकीवरील तिघेही काही अंतर दुचाकीसह फरफटत जावून तिघांचाही जागीच मृत्यू झाला.

दुचाकीसह फरफटल्याने तिघांचेही मृतदेह छिन्नविछन्न अवस्थेत पडले होते. अपघातग्रस्त दुचाकीचा क्रमांक एमएच 17, बीसी 0195 असा आहे.

घटनेची माहिती कळताच पोलिसांनी घटनास्थळी धाव घेतली. पोलिसांकडून अपघातग्रस्त पिकअपचा शोध घेतला जात आहे.