अहमदनगर । वीरभूमी- 31-Dec, 2021, 04:20 PM

अहमदनगर जिल्ह्यातील कोरोना बाधितांच्या संख्येत आज शुक्रवारी मोठी वाढ झाली आहे. आज शुक्रवारी जिल्ह्यात तब्बल 73 कोरोना बाधित आढळले आहेत. वाढत्या आकडेवारीमुळे चिंता व्यक्त केली जात आहे.

आज आढळलेल्या बाधितांमध्ये सर्वाधिक रुग्ण श्रीगोंदा तालुक्यातील असून ती संख्या 17 एवढी आहे. दुसर्‍या स्थानी नगर शहर तर तिसर्‍या स्थानी संगमनेरचा क्रमांक लागतो. मात्र कर्जत, कोपरगाव, भिंगार व मिलटरी हॉस्पीटल येथील आकडेवारी शुन्यांवर आहे.

आज शुक्रवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 37, खाजगी प्रयोगशाळेतील तपासणी अहवालात 27 तर अँटीजेन चाचणीत 9 असे 73 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- श्रीगोंदा 17, नगर शहर 13, संगमनेर 10, श्रीरामपूर 7, पाथर्डी 6, पारनेर 4, राहाता 4, नगर ग्रामीण 3, अकोले 2, इतर जिल्हा 2, जामखेड 1, नेवासा 1, इतर राज्य 1, राहुरी 1, शेवगाव 1 असे कोरोना बाधित आढळून आले. तर कर्जत, कोपरगाव, भिंगार व मिलटरी हॉस्पीटल येथील आकडेवारी शुन्यांवर आहे.

जिल्ह्यात कोरोना बाधितांचा वाढू लागल्याने चिंता व्यक्त केली जात आहे. यामुळे नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.