अहमदनगर । वीरभूमी- 02-Jan, 2022, 02:50 PM

अहमदनगर जिल्ह्यातील कोरोना बाधितांच्या आकडेवारीत आज मोठी वाढ झाली आहे. आज रविवारी जिल्ह्यात एकुण 88 कोरोना बाधित आढळल्याने चिंता वाढली आहे.

आज आढळलेल्या बाधितांमध्ये नगर शहरातील कोरोना बाधितांचा आकडा टॉपवर आहे. नगर शहरात आज तब्बल 31 कोरोना बाधित आढळले. दुसर्‍या स्थानावर संगमनेरचा क्रमांक लागतो. त्याचप्रमाणे अनेक दिवसापासून 1 वर आकडा असलेल्या पाथर्डी तालुक्यात आज 6 कोरोना बाधित आढळले आहेत.

त्याचप्रमाणे इतर तालुक्यातही आज थोडीशी वाढ झाली आहे. यामुळे नगरकरांची चिंता वाढली असून प्रत्येकाने काळजी घ्यावी, असे आवाहन केले जात आहे.

नगर जिल्ह्यातील कोरोना बाधितांचा आकडा एक दिवस कमी तर एक दिवस जास्त असा पाठशिवणीचा खेळ खेळत आहे. मात्र प्रत्येकाने कोरोना प्रतिबंधक नियमांचे पालन करण्याचे आवाहन करण्यात येत आहे.

आज आढळून आलेली तालुकानिहाय आकडेवारी पुढीलप्रमाणे- नगर शहर 31, संगमनेर 11, इतर जिल्हा 9, पाथर्डी 6, राहाता 6, श्रीगोंदा 6, कर्जत 4, श्रीरामपूर 4, अकोले 2, नगर ग्रामीण 2, शेवगाव 2, कोपरगाव 1, नेवासा 1, इतर राज्य 1, पारनेर 1, राहुरी 1 असे कोरोना बाधित आढळून आले. तर जामखेड, भिंगार व मिलटरी हॉस्पीटल येथील आकडेवारी शुन्यांवर आहे.

जिल्ह्यात कोरोना बाधितांचा वाढू लागल्याने चिंता व्यक्त केली जात आहे. यामुळे नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.