अहमदनगर । वीरभूमी- 03-Jan, 2022, 02:03 PM

अहमदनगर जिल्ह्यातील एकुण आकडेवारीत आज सोमवारी 47 कोरोना बाधितांची भर पडली आहे. आज आढळलेल्या बाधितांचा आकडा हा रविवारच्या तुलनेत निम्म्याने कमी असल्याने काहीअंशी दिलासा मिळाला आहे.

आज आढळलेल्या बाधितांमध्ये नगर शहराचा आकडा सर्वाधिक आहे. मात्र हा आकडा रविवारच्या तुलनेत कमी असल्याने दिलासा मिळत आहे. दुसर्‍या स्थानावर इतर जिल्ह्यातील आकडेवारी असून त्या खालोखाल राहाता व श्रीरामपूरचा क्रमांक लागतो.

तसेच आज आढळलेल्या बाधितांमध्ये अकोले, कोपरगाव, मिलटरी हॉस्पिटल येथील आकडेवारी शुन्यांवर आहे. मात्र रविवारी शुन्यावर असलेले भिंगार व जामखेड येथे प्रत्येकी एक कोरोना बाधित आढळले आहेत.

आज सोमवारी अहमदनगर जिल्ह्यात आढळलेल्या कोरोना बाधितांमध्ये जिल्हा रुग्णालयाच्या लॅबमधील तपासणीत 10, खाजगी प्रयोगशाळा तपासणीत 33 तर रॅपिड अँन्टिजेन चाचणी अहवालात 4 असे हकुण 47 कोरोना बाधित आढळले आहेत.

आज आढळून आलेली तालुकानिहाय आकडेवारी पुढीलप्रमाणे- नगर शहर 14, इतर जिल्हा 6, राहाता 4, श्रीरामपूर 4, नगर ग्रामीण 3, नेवासा 3, पारनेर 2, संगमनेर 2, कर्जत 2, राहुरी 2, भिंगार 1, जामखेड 1, पाथर्डी 1, शेवगाव 1, श्रीगोंदा 1 असे कोरोना बाधित आढळून आले. तर अकोले, कोपरगाव, इतर राज्य व मिलटरी हॉस्पीटल येथील आकडेवारी शुन्यांवर आहे.

जिल्ह्यात कोरोना बाधितांचा आकडा कमी जास्त होत असल्याने नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.