अहमदनगर । वीरभूमी- 17-Jan, 2022, 02:34 PM

अहमदनगर जिल्ह्यात आज सोमवारी तब्बल 929 कोरोना बाधित आढळले आहेत. जिल्ह्यातील कोरोना बाधितांचा आकडा वाढताच असून वाढत्या आकडेवारी बरोबरच चिंताही वाढली आहे.

आज आढळलेल्या बाधितांमध्ये अहमदनगर शहराची आकडेवारी 359 पार गेली आहे. तर दुसर्‍या स्थानी नगर ग्रामीण तर तिसर्‍या क्रमांकावर अकोलेचा क्रमांक लागतो. आज राहाता तालुक्याची आकडेवारी घटली आहे.

दररोज वाढत असलेल्या कोरोना बाधित आकड्यामुळे चिंता वाढत चाचली आहे. यामुळे रविवार पर्यंत जिल्ह्यातील अ‍ॅक्टिव रुग्णांची संख्या 4083 वर पोहोचला होता. आजही मोठ्या प्रमाणात कोरोना बाधित आढळल्याने अ‍ॅक्टिव रुग्णांची संख्याही वाढणार आहे.

नागरिकांच्या बेजबाबदारपणामुळे जिल्ह्यातील कोरोना बाधितांची आकडेवारी वाढत आहे. यामुळे नागरिकांनी कोरोना प्रतिबंधक नियमांचे पालन करणे गरजेचे आहे. तसेच गर्दीच्या ठिकाणी जाणे टाळले पाहिजे.

आज सोमवारी अहमदनगर जिल्ह्यात आढळलेल्या कोरोना बाधितांमध्ये जिल्हा रुग्णालयाच्या लॅबमधील तपासणीत 567, खाजगी प्रयोगशाळा तपासणीत 175 तर रॅपिड अँन्टिजेन चाचणी अहवालात 142 असे एकुण 187 कोरोना बाधित आढळले आहेत.

आज आढळून आलेली तालुकानिहाय आकडेवारी पुढीलप्रमाणे- नगर शहर 359, नगर ग्रामीण 70, अकोले 56, श्रीगोंदा 54, श्रीरामपूर 52, राहुरी 46, राहाता 41, पारनेर 37, मिलटरी हॉस्पिटल 31, भिंगार 30, कर्जत 25, शेवगाव 23, पाथर्डी 22, इतर जिल्हा 21, कोपरगाव 20, नेवासा 19, जामखेड 13, संगमनेर 7, इतर राज्य 3 असे कोरोना बाधित आढळून आले.

कोरोना रोखण्यासाठी प्रत्येक नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.