पाथर्डी । वीरभूमी - 31-Oct, 2022, 11:12 AM

शेवगाव-पाथर्डी मतदार संघाच्या आ. मोनिकाताई राजळे यांच्यावतीने आयोजित केलेल्या ‘दिवाळी फराळ’ कार्यक्रमाला शेवगाव व पाथर्डी तालुक्यातील स्नेहीजनांनी हजेरी लावली. दिवाळी फराळानिमित्त अनेकांनी पक्षीय जोडे बाजुला ठेवत हजेरी लावत राजळे कुटुंबाला शुभेच्छा दिल्या.

शेवगाव-पाथर्डी विधानसभा मतदार संघाच्या आ. मोनिकाताई राजळे यांच्यावतीने कासार पिंपळगाव येथील दादापाटील राजळे महाविद्यालयाच्या प्रांगणात कार्यकर्ते, पदाधिकारी, अधिकारी व स्नेहीजनांसाठी ‘दिवाळी फराळा’चे आयोजन करण्यात आले होते. या दिवाळी फराळ स्नेहभोजनासाठी शेवगाव व पाथर्डी तालुक्यातील स्नेहीजनांना आमंत्रीत करण्यात आले होते.

या दिवाळी फराळ स्नेहभोजनासाठी अनेकांनी पक्षीय जोडे बाजुला ठेवत आ. राजळे यांच्या कार्यक्रमाला हजेरी लावत शुभेच्छा दिल्या. दिवाळी फराळ स्नेहभोजनासाठी येणार्‍या स्नेहीजनांचे स्वागत आ. मोनिकाताई राजळे यांच्यासह वृद्धेश्वरचे अध्यक्ष आप्पासाहेब राजळे, माजी जि. प. सदस्य राहुलदादा राजळे यांनी केले.

शेवगाव व पाथर्डी तालुक्यातील विविध गावांचे सरपंच, उपसरपंच, ग्रामपंचायत सदस्य, विविध गावच्या सेवा सोसायटी अध्यक्ष, उपाध्यक्ष, संचालक, तालुक्यातील विविध सहकारी संस्थांचे पदाधिकारी, विविध पक्षांचे कार्यकर्ते यांच्या उपस्थितीने दादापाटील राजळे महाविद्यालयाचा परिसर फुलून गेला होता.

या स्नेहभोजनासाठी खा. डॉ. सुजय विखे, आ. शिवाजीराव कर्डिले यांच्यासह रेणुकामाता मल्टिस्टेटचे भालेराव, अरुण आठरे, ज्येष्ठ नेते बापुसाहेब भोसले, माजी सभापती काशिनाथ लवांडे, शिवसेना (ठाकरे गट) पाथर्डी तालुका अध्यक्ष भगवान दराडे, मनसेचे पाथर्डी तालुकाध्यक्ष संतोष जिरेसाळ, परिवहन मनसेचे जिल्हाध्यक्ष अविनाश पालवे, भाजपा किसान मोर्चाचे बापुसाहेब पाटेकर,

शेवगाव तालुकाध्यक्ष ताराचंद लोढे, पाथर्डी तालुका अध्यक्ष माणिकराव खेडकर, माजी नगराध्यक्ष अभय आव्हाड, डॉ. मृत्यूंजय गर्जे, बंडू बोरुडे, नंदकुमार शेळके, भाजपा किसान मोर्चाचे जिल्हाध्यक्ष कचरु चोथे, भाजपाचे शेवगाव तालुका सरचिटणीस सुनील रासने, नगरसेवक महेश फलके, भिमराज सागडे, चारुदत्त वाघ, धनंजय बडे, सचिन नेहुल, भाजपा महिला आघाडीच्या शेवगाव तालुका अध्यक्षा आशाताई गरड, मंगलताई कोकाटे आदीसह कार्यकर्ते मोठ्या संख्येने उपस्थित होते.