कर्जत । वीरभूमी - 09-Apr, 2023, 01:18 PM

पाठीमागून येणार्‍या पीकअपने पायी चालणार्‍या सेवानिवृत्त शिक्षकाला धडक दिल्याने मृत्यू झाला. या अपघातात मृत्यू झालेल्या सेवा निवृत्त शिक्षकाचे नाव रामदास सावळा तापकीर (वय 70) असे आहे. याप्रकरणी चालकाविरूद्ध कर्जत पोलिस ठाण्यात गुन्हा दाखल करण्यात आला आहे.

पोलीस सूत्रांकडून मिळालेल्या माहितीनुसार, शनिवार दि 8 रोजी सकाळी 06/45वा. च्या सुमारास कर्जत-वालवड जाणार्‍या रस्त्यावर पायी चालणारे रामदास सावळा तापकीर (वय 70 वर्षे. रा.कर्जत) यांना महिंद्रा पिकअप (एमएच. 17, बी. वाय.5927) चालक योगेश मधुकर भगरे (रा.पोहेगांव ता.कोपरगाव) याने त्याच्या ताब्यातील वाहन हय-गयने, अविचाराने व रस्त्याच्या परिस्थितीकडे दुर्लक्ष करून चालवून पाठीमागून धडक देऊन रामदास सावळा तापकीर यांच्या मृत्यूस कारणीभूत ठरला आहे.

याबाबत कर्जत पोलीस ठाण्यात उमेश रामदास तापकीर यांच्या फिर्यादीवरून भादंवि कलम 304(अ) 279, 337, 338मो.वा. का.क. 184/177 अन्वये अपघाताचा गुन्हा दाखल करण्यात आला आहे. अधिक तपास पोलीस नाईक पी. डी. अंधारे हे करीत आहेत.