शेवगाव । वीरभूमी- 18-Aug, 2023, 12:02 PM

शेवगाव तालुक्यातील श्रीक्षेत्र अमरापूर येथील रेणुकामाता मंदिरात धाडसी चोरी झाल्याची घटना समोर आली आहे. चोरीची घटना शुक्रवारी पहाटेच्या दरम्यान घडली. चोरीची माहिती कळताच शेवगाव पोलिस घटनास्थळी दाखल झाले आहेत.

मंदिर व मंदिर परिसरात लावण्यात आलेल्या सीसीटीव्हीमध्ये चोरटे कैद झाले आहेत. रेणुकामाता देवीच्या अंगावरील सोन्या-चांदीची दागिणे असा मोठा ऐवज चोरीला गेल्याची प्राथमिक माहिती आहे.

शेवगाव तालुक्यातील श्रीक्षेत्र अमरापुर येथील श्री रेणुकामाता मंदिरात शुक्रवारी पहाटेच्या सुमारास चोरट्यांनी मंदिरातील व देवीच्या अंगावरील सोन्या-चांदीच्या दागिण्यांवर डल्ला मारला आहे. हा मोठा असल्याचे समजते आहे. घटनेची माहिती समजताच शेवगाव पोलिसांनी घटनास्थळी दाखल होत तपास सुरु केला आहे.

मागील काही दिवसापूर्वी शेवगाव तालुक्यातील श्रीक्षेत्र ताजनापूर येथील शनि मंदिरातील दानपेटी फोडल्याच्या घटनेनंतर आता अमरापूर येथील रेणुकामाता मंदिरात चोरी झाल्याने चोरट्यांनी मंदिरे लक्ष केल्याचे समोर आले आहे. मंदिरातील चोरीच्या घटनांचा तपास लावण्याचे मोठे आव्हान पोलिसांसमोर उभे राहिले आहे.