श्रीगोंदा । वीरभूमी - 09-Dec, 2020, 12:00 AM

श्रीगोंदा तालुक्यातील गावातील पवारवाडी येथे राहणारे विशाल संतोष सोनवणे, राहुल बाजीराव बरकडे, राजकुमार विठ्ठल पवार, प्रतीक नरसिंग शिंदे या चार तरुणांचा आज सकाळी दहा ते अकरा वाजण्याच्या दरम्यान दौंड - नगर रस्त्यावरील पवारवाडी फाट्यानजीक मोटारसायकल-ट्रकच्या झालेल्या अपघातात दुर्दैवी मृत्यू झाला आहे.

हे चारही तरुण दहावी, अकरावी इयत्तेत शिकणारे पंधरा ते वीस वर्षे वयोगटातील असून ते घरच्यांना एकलुते एक असल्याची माहिती समजली आहे. या घटनेमुळे लोणीव्यंकनाथ गावावर शोककळा पसरली आहे.

आज सकाळी दहा ते अकरा वाजण्याच्या दरम्यान हे चौघे तरुण दुचाकीवरून जात असताना दौंड - नगर रस्त्यावर पवारवाडी फाट्यानजीक एका ट्रकने या दुचाकीला धडक दिली. त्या अपघातात या चारही तरुणांना आपला जीव गमवावा लागला. पोलीस घटनास्थळी दाखल झाले असून ट्रक चालकाला ताब्यात घेतले.