लोणी । कैलास विखे - 04-Jan, 2021, 12:00 AM

;राहाता तालुक्यातील 25 ग्रामपंचायतीच्या निवडणुका राज्य निवडणूक आयोगाने जाहीर केल्या होत्या. यात 25 पैकी 6 ग्रामपंचायत बिनविरोध करण्यात भाजपाचे ज्येष्ठ नेते आमदार राधाकृष्ण विखे पाटील यांना यश आले आहे. यामध्ये लोणी बुद्रुक, कोल्हार बुद्रुक, भगवतीपुर, पिंप्री लोकई, तिसगाव व सावळी विहीर खुर्द या ग्रामपंचायतींचा समावेश आहे.

उर्वरित 19 ग्रामपंचायतीमध्ये निवडणूक होणार असून यामध्ये अस्तगाव, एकरूखे, केलवड बुद्रुक/खुर्द, गोगलगाव, नांदूर, पाथरे बुद्रुक, पिंपळवाडी, बाभळेश्वर, ममदापूर, लोणी खुर्द, वाळकी, हणमंतगाव, जळगाव/एलमवाडी, रांजणगाव खुर्द, रामपूरवाडी, शिगवे, आडगाव बुद्रुक, हसनापूर व चंद्रापूर या ग्रामपंचायत निवडणुकांचा समावेश आहे.

अस्तगाव ग्रामपंचायतीमध्ये 3 जागा, केलवड बुद्रुक/खुर्द मध्ये 1 जागा, नांदूरमध्ये 1 जागा, हणमंतगाव मध्ये 2 जागा व हसनापूर मध्ये 1 जागा बिनविरोध जाहीर करण्यात आल्या आहेत. सहा ग्रामपंचायती मधील एकूण 76 जागा व इतर बाकी ग्रामपंचायत मधील 8 जागा या बिनविरोध निवड करण्यात आल्या आहे व उर्वरित 19 ग्रामपंचायतींच्या 217 जागेसाठी 493 उमेदवार निवडणुकीच्या रिंगणात आहेत.