अहमदनगर । वीरभूमी - 27-Mar, 2021, 12:00 AM

अहमदनगर जिल्ह्यातील कोरोना बाधितांच्या संख्येत काल शुक्रवारी 829 कोरोना बाधितांची भर पडली होती. याच्या तुलनेत आज शनिवारी 654 कोरोना बाधितांची वाढ झाली आहे.

शनिवारी दुपारी 2 वाजेपर्यंत आढळलेल्या कोरोना बाधितांचा आकडा हा 654 एवढा आहे. कोरना बाधितांचा आकडा कालच्या पेक्षा कमी असला तरी चिंता व्यक्त केली जात आहे.

दिवसेंदिवस वाढणार्‍या कोरोना बाधितांच्या संख्येने चिंता व्यक्त केली जात आहे. नगर शहराबरोबरच ग्रामीण भागातही कोरोनाचा फैलाव झाल्याचे आकडेवारीवरून दिसून येत आहे. सर्वाधिक रुग्ण संख्या नगर शहरात 225 आढळली असून सर्वात कमी संख्या श्रीगोंदा 2 अशी आहे. हीच आकडेवारी शेवगाव तालुक्यात 21 तर पाथर्डी तालुक्यात 17 अशी आहे.

आज शनिवारी दुपारी 2 वाजेपर्यंत जिल्हा रुग्णालयाच्या कोरोना टेस्ट लॅब मध्ये 94, खाजगी प्रयोगशाळेत केलेल्या तपासणीत 380 आणि अँटीजेन चाचणीत 180 रुग्ण बाधीत आढळले.

जिल्हा रुग्णालयाच्या कोरोना टेस्ट लॅब मध्ये बाधीत आढळून आलेल्या रुग्णामध्ये मनपा 63, संगमनेर 04, श्रीरामपूर 10, राहाता 01, पारनेर 01, नगर ग्रामीण 06, शेवगाव 03, पाथर्डी 02, राहुरी 03, कन्टेंन्मेंट बोर्ड 01 अशा रुग्णांचा समावेश आहे.

खाजगी प्रयोगशाळेत केलेल्या तपासणीत बाधित आढळून आलेल्या रुग्णामध्ये मनपा 140, संगमनेर 47, श्रीरामपूर 38, कोपरगाव 53, राहाता 39, पारनेर 12, नगर ग्रामीण 10, शेवगाव 03, जामखेड 04, अकोले 11, पाथर्डी 02, कर्जत 02, राहुरी 04, नेवासा 02, इतर जिल्हा 12, श्रीगोंदा 01 अशा रुग्णांचा समावेश आहे.

अँटीजेन चाचणीत आज 180 जण बाधित आढळुन आले. मनपा 22, संगमनेर 08, श्रीरामपूर 07, राहाता 10, पारनेर 25, नगर ग्रामीण 17, शेवगाव 15, जामखेड 14, अकोले 07, पाथर्डी 13, कर्जत 15, राहुरी 08, नेवासा 12, इतर जिल्हा 01, कन्टेंन्मेंट बोर्ड 05, श्रीगोंदा 01 अशा रुग्णांचा समावेश आहे.

नागरिकांनी विनाकारण घराबाहेर पडू नये, घराबाहेर जातांना तोंडाला मास्क लावावा, नियमित सॅनिटायझरचा वापर करावा, सोशल डिस्टन्सिंग पाळावे तसेच लसीकरण करून घ्यावे, असे आवाहन प्रशासनाच्यावतीने करण्यात आले आहे.