अकोले । वीरभूमी- 27-Mar, 2021, 12:00 AM

राज्यभरात कोरोनाचा संसर्ग वाढत चालला आहे. ही वाढती संख्या विचारात घेता माजीमंत्री मधुकरराव पिचड व माजी आ. वैभवराव पिचड यांचे आगामी 15 दिवसाचे सर्व दौरे, उद्घाटनांचे सर्व कार्यक्रम पुढे ढकलण्यात आले आहेत.

राज्यभरात कोरोनाच्या दुसर्‍या लाटेमध्ये रुग्णांची संख्या दिवेसेंदिवस वाढताना दिसत आहे.

कोरोनाच्या रुग्णांची वाढती संख्या लक्षात घेता गर्दी टाळणे, संसर्गाला रोखण्यासाठी कडक उपाययोजना सरकार मार्फत करण्यात येत आहे. त्यादृष्टीने माजी मंत्री मधुकरराव पिचड व माजी आ. वैभवराव पिचड यांचे पुढील 15 दिवसांची सर्व दौरे, उद्घाटनांचे सर्व कार्यक्रम पुढे ढकलण्यात आले आहेत.

तरी अकोले तालुक्यातील सर्व नागरिकांना विनंती आहे की, विनाकारण बाहेर पडु नका. आपण आपली व आपल्या परिवाराची काळजी घ्यावी. तसेच सरकारला व प्रशासनाला सहकार्य करावे, कोरोना लसीकरण करून घ्यावे, असे आवाहन माजी मंत्री मधुकरराव पिचड यांनी जनतेला केले आहे.