अहमदनगर । वीरभूमी - 02-May, 2021, 12:00 AM

नगर जिल्ह्यातील कोरोना बाधितांचा आकडा आज शनिवारच्या तुलनेत कमी झाला आहे. आज जिल्ह्यात 3822 कोरोना बाधित आढळले.

आज आढळलेल्या कोरोना बाधितांमध्ये नगर शहराचा आकडा कमी होऊन संगमनेर तालुक्याने सर्वोच्च पातळी गाठली आहे. तसेच श्रीगोंदा, कर्जतनेही राहाता तालुक्याला मागे टाकले आहे.

आज आढळलेल्या रुग्णांमध्ये जामखेड तालुका वगळता इतर तालुके शंभरच्या पुढे आहेत. कोरोना बाधितांच्या वाढत्या आकड्यामुळे नगरकरांची चिंता दिवसेंदिवस वाढत आहे.

बेजबाबदार नागरिकांमुळे दिवसेंदिवस कोरोना बाधितांचा आकडा वाढत असून लॉकडाऊनचाही कोणताही परिणाम होतांना दिसत नाही. त्यातच लस, ऑक्सिजन, रेमडिसीवीर व औषधांचा तुटवडा जाणवत आहे. तसेच बेडही फुल्ल झाले आहेत. वाढत्या कोरोना बाधिातांमुळे चिंता व्यक्त केली जात आहे. नागरिकांनी शासनाने ठरवून दिलेल्या नियमाचे पालन केले तर कोरोना संसर्ग साखळी तोडू शकतो. मात्र नागरिकांमधून कोणत्याही नियमाचे पालन केले जात नसल्याने कोरोना बाधितांची संख्या वाढत आहे.

आज रविवारी जिल्ह्यात 3822 कोरोना बाधित आढळले आहेत. यामध्ये जिल्हा रुग्णांलयाच्या चाचणी अहवालात 1288, खाजगी प्रयोगशाळेतील तपासणी अहवालात 1587 तर अँटीजेन चाचणीत 947 असे 3822 कोरोना बाधित आढळून आले.

आज आढळलेल्या कोरोना बाधितांमध्ये संगमनेर 566, नगर शहर 547, श्रीगोंदा 347, नगर ग्रामीण 317, कर्जत 267, राहाता 259, कोपरगाव 210, पारनेर 201, अकोले 192, राहुरी 187, नेवासा 171, शेवगाव 155, पाथर्डी 127, श्रीरामपूर 104, इतर जिल्हा 75, भिंगार कन्टेमेंट 61, जामखेड 18, मिलटरी हॉस्पिटल 14, इतर राज्य 04 असे रुग्ण आढळले आहेत.

जिल्ह्यातील वाढत्या कोरोना संसर्गामुळे चिंता व्यक्त केली जात असतांना नागरिकांनी नियमाचे पालन करावे. विनाकारण घराबाहेर पडू नये, तोंडाला नियमित मास्क लावावा, नियमित हात स्वच्छ धुवावे, सॅनिटायझरचा वापर करावा व लसीकरण करून घ्यावे असे आवाहन करण्यात येत आहे.