अहमदनगर । वीरभूमी - 03-May, 2021, 12:00 AM

नगर जिल्ह्यातील कोरोना बाधितांचा आकडा आज पुन्हा घटला असून रविवारच्या तुलनेत बरचशी घट झाली असून आज जिल्ह्यात 2123 कोरोना बाधित आढळले.

आज आढळलेल्या कोरोना बाधितांमध्ये नगर शहर, संगमनेरचा आकडा कमी होऊन अकोले तालुक्यातील बाधितांची संख्या वाढली आहे.

आज आढळलेल्या रुग्णांमध्ये पाथर्डी, श्रीगोंदा, कोपरगाव, नेवासा, जामखेडची संख्या शंभरच्या आत असल्याने नागरिकांना दिलासा मिळाला आहे. कोरोना बाधितांच्या वाढत्या आकड्यामुळे चिंता वाढत असतांना आज सोमवारी कोरोना बाधितांचा आकडा घटल्याने दिलासा मिळाला आहे.

आज रविवारी आढळलेल्या बाधितांमध्ये जिल्हा रुग्णांलयाच्या चाचणी अहवालात 840, खाजगी प्रयोगशाळेतील तपासणी अहवालात 875 तर अँटीजेन चाचणीत 408 असे 2123 कोरोना बाधित आढळून आले.

आज आढळलेल्या बाधितांमध्ये नगर शहर 426, अकोले 267, नगर ग्रामीण 197, पारनेर 134, शेवगाव 127, राहाता 121, श्रीरामपूर 116, राहुरी 113, संगमनेर 104, कर्जत 101, पाथर्डी 96, श्रीगोंदा 84, कोपरगाव 79, नेवासा 75, भिंगार कन्टेन्मेंट 33, इतर जिल्हा 31, जामखेड 15, इतर राज्य 03, मिलटरी हॉस्पिटल 01 असे रुग्ण आढळून आले.

जिल्ह्यातील वाढत्या कोरोना संसर्गामुळे चिंता व्यक्त केली जात असतांना नागरिकांनी नियमाचे पालन करावे. विनाकारण घराबाहेर पडू नये, तोंडाला नियमित मास्क लावावा, नियमित हात स्वच्छ धुवावे, सॅनिटायझरचा वापर करावा व लसीकरण करून घ्यावे असे आवाहन करण्यात येत आहे.