अहमदनगर । वीरभूमी - 30-May, 2021, 12:00 AM

अहमदनगर जिल्ह्यातील कोरोना बाधितांचा आकडा आज पुन्हा घटला आहे. जिल्ह्यातील एकुण आकडेवारी आज रविवारी कोरोना बाधितांच्या आकडेवारीत 148 ने घट झाली असून तो 1440 वर आला आहे. एक दिवस कमी तर एक दिवस जास्त असा पाठशिवणीचा खेळ सुरूच आहे.

नगर जिल्ह्यातील एकुण कोरोना बाधितांच्या आकडेवारी आज पुन्हा घट झाली आहे. शनिवारी आकडेवारीत 180 ने वाढ झाल्यानंतर आज रविवारी 148 ने घट झाली आहे. यामुळे गेल्या तीन दिवसापासून कोरोना बाधितांचा आकडा थोड्या फार फरकाने स्थिर राहीला आहे.

आज आढळलेल्या बाधितांच्या आकडेवारीत नेवासा तालुका टॉपवर आला असून शेवगाव दुसर्‍या तर पाथर्डी तिसर्‍या स्थानावर आले आहेत. तसेच अनेक दिवसापासून खालच्या नंबरवर असलेला जामखेड तालुकाही आज चौथ्या स्थानावर पोहोचला आहे. तर इतर ठिकाणची आकडेवारी शंभरच्या आत असल्याने दिलासा मिळत आहे.

आज रविवारी आढळलेल्या बाधितांमध्ये जिल्हा रुग्णांलयाच्या चाचणी अहवालात 465, खाजगी प्रयोगशाळेतील तपासणी अहवालात 577 तर अँटीजेन चाचणीत 398 असे 1440 कोरोना बाधित आढळून आले.

आज आढळून आलेली आकडेवारी- नेवासा 187, शेवगाव 182, पाथर्डी 120, जामखेड 109, कोपरगाव 98, कर्जत 94, पारनेर 93, संगमनेर 90, श्रीरामपूर 87, राहुरी 69, नगर ग्रामीण 68, राहाता 59, नगर शहर 58, श्रीगोंदा 48, अकोले 47, इतर जिल्हा 19, भिंगार 04, मिलटरी हॉस्पिटल 05, इतर राज्य 03 असे कोरोना बाधित आढळले आहेत.