अहमदनगर । वीरभूमी - 11-Jun, 2021, 12:00 AM

मागील काही दिवसापासून कोरोना बाधितांचा आकडा कमी होत असल्याने नगरकरांना दिलासा मिळत आहे. जिल्हा अनलॉकनंतर काल गुरुवारी कोरोना बाधितांच्या आकड्यामध्ये वाढ झाली होती. तर आज शुक्रवारी कोरोना बाधितांच्या आकड्यामध्ये घट झाली असून आज जिल्ह्यात 769 कोरोना बाधित आढळले आहेत.

मागील आठवड्यापासून नगर जिल्ह्यातील कोरोना बाधितांची आकडेवारी झपाट्याने घटत आहे. काल गुरुवारी आकडेवारीत वाढ झाल्यानंतर आज शुक्रवारी पुन्हा घट झाल्याने नगरकरांना दिलासा मिळाला आहे.

आज आढळलेल्या आकडेवारीत श्रीगोंदा तालुक्याची आकडेवारी सर्वोच्च स्थानावर पोहोचली असून दुसर्‍या स्थानावर जामखेड आले आहे. तर नगर शहराची आकडेवार एक अंकावर आल्याने नगरकरांना मोठा दिलासा मिळाला आहे.

आज शुक्रवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 29, खाजगी प्रयोगशाळेतील तपासणी अहवालात 281 तर अँटीजेन चाचणीत 459 असे 769 कोरोना बाधित आढळून आले.

आज आढळून आलेली तालुकानिहाय आकडेवारी पुढील प्रमाणे- श्रीगोंदा 113, जामखेड 103, श्रीरामपूर 88, अकोले 67, संगमनेर 58, नेवासा 53, कोपरगाव 52, पाथर्डी 47, पारनेर 35, शेवगाव 33, कर्जत 29, राहाता 29, नगर ग्रामीण 23, राहुरी 21, नगर शहर 09 असे कोरोना बाधित आढळले आहे.

नगर जिल्हा अनलॉक झाल्यानंतर नागरिकांनी संयम पाळत शासनाने ठरवून दिलेल्या नियमाचे पालन करावे, असे आवाहन केले जात आहे.