अहमदनगर । वीरभूमी- 17-Jun, 2021, 12:00 AM

अहमदनगर जिल्ह्यातील कोरोना बाधितांची आकडेवारी दिवसेंदिवस घटत चालल्यानंतर आज जिल्ह्यातील एकुण कोरोना बाधितांच्या आकड्यामध्ये वाढ झाली आहे. आज गुरुवारी जिल्ह्यात एकुण 679 कोरोना बाधित आढळले. वाढलेल्या आकडेवारीमुळे चिंता व्यक्त होऊ लागली आहे.

मागील काही आठवड्यापासून जिल्ह्यातील कोरोना बाधितांची आकडेवारीमध्ये घट होत होती. मात्र आज जिल्ह्यातील एकुण आकडेवारीत पुन्हा वाढ झाली आहे. आज आढळलेल्या कोरोना बाधितांच्या आकडेवारीत अहमदनगर शहर व पारनेर तालुक्याने शंभरी पार केली आहे.

इतर तालुके शंभरच्या आत असून जामखेड व कोपरगाव तालुके एक अंकी आले आहेत. यामुळे काही तालुक्यात समाधान तर काही ठिकाणी चिंता व्यक्त केली जात आहे. नागरिकांनी नियमांचे पालन करावे, असे आवाहन केले जात आहे.

आज गुरुवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 08, खाजगी प्रयोगशाळेतील तपासणी अहवालात 145 तर अँटीजेन चाचणीत 526 असे 679 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- नगर 149, पारनेर 102, नगर ग्रामीण 64, पाथर्डी 64, राहुरी 47, शेवगाव 47, संगमनेर 35, राहाता 33, श्रीगोंदा 32, नेवासा 21, कर्जत 19, श्रीरामपूर 19, अकोले 16, जामखेड 09, कोपरगाव 07, भिंगार 04 असे कोरोना बाधित आढळले आहे.

जिल्ह्यातील कोरोना बाधितांची आकडेवारीत वाढ झाल्याने चिंता व्यक्त केली आहे. कोरोना संसर्ग रोखण्यासाठी प्रत्येकाने शासनाने ठरवून दिलेल्या नियमाचे पालन करावे. नियमित मास्क वापरावा, हात स्वच्छ धुवावे, सोशल डिस्टन्सिंग नियमाचे पालन करावे, असे आवाहन केले जात आहे.