अहमदनगर । वीरभूमी- 27-Jul, 2021, 12:00 AM

अहमदनगर जिल्ह्यातील कोरोना बाधितांच्या आकडेवारीत आज पुन्हा वाढ झाली आहे. दिवसेंदिवस कोरोना बाधितांचा आकडा वाढत असल्याने चिंता व्यक्त केली जात आहे. आज मंगळवारी जिल्ह्यात 712 कोरोना बाधित आढळले.

रविवारी जिल्ह्यात कोरोनाचा महास्फोट झाल्यानंतर सोमवारी काही अंशी दिलासा मिळाला होता. मात्र आज मंगळवारी पुन्हा सोमवारच्या तुलनेत आकडेवारीत वाढ झाली आहे.

आज आढळलेल्या कोरोना बाधितांमध्ये नेहमीप्रमाणे पारनेर तालुका टॉपवर राहीला आहे. मात्र ती आकडेवारी सोमवारच्या तुलनेत घटली आहे. तर कर्जत व संगमनेर तालुकेदुसर्‍या स्थानावर आले आहेत. तर शेवगाव तिसर्‍या क्रमांकावर आला आहे.

कासवगतीने वाढत असणार्‍या रुग्णसंख्येने चिंता व्यक्त केली जात आहे. कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.

आज मंगळवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 44, खाजगी प्रयोगशाळेतील तपासणी अहवालात 294 तर अँटीजेन चाचणीत 374 असे 712 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- पारनेर 90, कर्जत 87, संगमनेर 87, शेवगाव 71, नेवासा 59, जामखेड 56, नगर ग्रामीण 40, अकोले 39, पाथर्डी 37, श्रीगोंदा 28, राहुरी 25, राहाता 24, कोपरगाव 21, नगर शहर 18, इतर जिल्हा 14, श्रीरामपूर 12, भिंगार 02, मिलटरी हॉस्पिटल 02 असे कोरोना बाधित आढळून आले.