अहमदनगर । वीरभूमी- 26-Jul, 2021, 12:00 AM
अहमदनगर जिल्ह्यात रविवारी कोरोना बाधित रुग्णांनी उच्चांक केल्यानंतर आज सोमवारी आकडेवारीत घट झाली आहे. रविवारच्या तुलनेत तब्बल 398 ने घट होत आज सोमवारी जिल्ह्याचा एकुण आकडा 628 वर आला आहे. यामुळे नगरकरांना काही अंशी दिलासा मिळाला आहे.
रविवारी जिल्ह्यात कोरोनाचा महास्फोट झाल्यानंतर आज दुसर्‍या दिवशी बाधितांच्या संख्येत घट झाली आहे. तर सर्वच तालुक्याची आकडेवारी शंभरच्या आत असून संगमनेरचा आकडा एकअंकी आला आहे. तर पारनेर तालुका आजही टॉपवर राहीला आहे. तर नगर ग्रामीण दुसर्‍या तर कर्जत तालुका तिसर्‍या स्थानावर आले आहेत.
नागरिकांच्या बेजबाबदारपणामुळे जिल्ह्यातील कोरोना बाधितांच्या आकड्यात मोठी वाढ होत असतांना आज काही अंशी दिलासा मिळाला आहे. मात्र हा आकडा 628 वर असल्याने चिंता व्यक्त केली जात आहे. मात्र सर्वच तालुकी शंभरच्या आत असल्याने दिलासा मिळत आहे.
कासवगतीने वाढत असणार्‍या रुग्णसंख्येने चिंता व्यक्त केली जात आहे. कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.
आज सोमवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 184, खाजगी प्रयोगशाळेतील तपासणी अहवालात 182 तर अँटीजेन चाचणीत 262 असे 628 कोरोना बाधित आढळून आले.
आज आढळून आलेली तालुकानिहाय आकडेवारी पुढीलप्रमाणे- पारनेर 93, नगर ग्रामीण 84, कर्जत 65, पाथर्डी 62, संगमनेर 52, नगर शहर 49, शेवगाव 47, राहुरी 28, जामखेड 27, श्रीगोंदा 25, कोपरगाव 24, अकोले 21, नेवासा 20, राहाता 16, इतर जिल्हा 12, श्रीरामपूर 05, मिलटरी हॉस्पिटल 01 असे कोरोना बाधित आढळून आले.
AkFyaLYCwcTusBHv