अहमदनगर । वीरभूमी- 01-Aug, 2021, 12:00 AM

गेल्या काही दिवसापासून जिल्ह्यातील कोरोना बाधितांची आकडेवारी वाढत असतांना आज आढळलेल्या आकडेवारीत थोडीशी घट झाली आहे. आज रविवारी जिल्ह्यात 943 कोरोना बाधित आढळले. आकडा घटला असला तरी नगरकरांची चिंता कायम आहे.

आज आढळलेल्या कोरोना बाधितांमध्ये संगमनेरने आपला प्रथम क्रमांक कायम राखला आहे. तर दुसर्‍या क्रमांकावर जामखेडने उडी घेतली आहे. तर शेवगाव मागील प्रमाणे क्रमांक तीनवर आहे.

गेल्या काही दिवसापासून कोरोना बाधितांच्या आकड्यात वाढ होत होती. मात्र आज रविवारी यामध्ये थोडीशी घट झाली आहे. मात्र हा आकडा 943 असल्याने चिंता कायम आहे. याला नागरिकांचा बेजबाबदारपणा कारणीभूत ठरत आहे.

वाढता कोरोना संसर्ग रोखण्यासाठी प्रशासनाने कठोर पावले उचलली तरीही कोरोना बाधितांचा आकडा कमी होण्याऐवजी वाढत चालला आहे. यामुळे कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.

आज रविवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 65, खाजगी प्रयोगशाळेतील तपासणी अहवालात 469 तर अँटीजेन चाचणीत 409 असे 943 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 128, जामखेड 103, शेवगाव 100, श्रीगोंदा 82, कर्जत 80, पारनेर 78, पाथर्डी 56, राहुरी 54, श्रीरामपूर 49, राहाता 40, नेवासा 37, अकोले 36, कोपरगाव 32, नगर ग्रामीण 28, इतर जिल्हा 23, नगर शहर 16, भिंगार 01 असे कोरोना बाधित आढळून आले.