अहमदनगर । वीरभूमी- 03-Aug, 2021, 12:00 AM

अहमदनगर जिल्ह्याला गेल्या दोन-तीन दिवसापासून दिलासा मिळत आहे. आज मंगळवारीही कोरोना बाधितांच्या आकड्यामध्ये घट झाली आहे. आज जिल्ह्यात एकुण 761 कोरोना बाधित आढळले.

राज्यातील अनेक जिल्ह्यातील कोरोना बाधितांची आकडेवारी घटल्यामुळे निर्बंध काही प्रमाणात शिथील करण्यात आले आहेत. मात्र अहमदनगर जिल्ह्याचा पॉझिव्हीटी रेट जास्त असल्यामुळे निर्बंधात कुठल्याही प्रकारची सूट मिळाली नाही. उलट वाढता कोरोना संसर्ग रोखण्यासाठी आपल्या पातळीवर नियमांत बदल करण्याचे अधिकार जिल्हाधिकारी यांना देण्यात आले आहेत.

आज आढळलेल्या कोरोना बाधितांमध्ये संगमनेर तालुका आजही टॉपवरच राहीला आहे. तर शेवगाव दुसर्‍या स्थानावर तर पाथर्डी तिसर्‍या स्थानावर आले आहेत. कोरोना बाधितांची एकुण आकडेवारीत घट झाली असली तरी काही तालुक्यांतील आकडेवारी मात्र वाढली आहे. यामुळे नागरिकांनी काळजी घ्यावी.

कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.

आज मंगळवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 17, खाजगी प्रयोगशाळेतील तपासणी अहवालात 363 तर अँटीजेन चाचणीत 381 असे 761 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 148, शेवगाव 80, पाथर्डी 65, जामखेड 59, पारनेर 57, कर्जत 50, नेवासा 45, श्रीरामपूर 44, राहुरी 40, अकोले 37, श्रीगोंदा 36, राहाता 35, नगर ग्रामीण 29, कोपरगाव 15, नगर शहर 13, इतर जिल्हा 8 असे कोरोना बाधित आढळून आले.