अहमदनगर । वीरभूमी- 08-Aug, 2021, 12:00 AM
जिल्ह्यातील कोरोना बाधितांची आकडेवारी एक दिवस कमी तर एक दिवस जास्ता असा शिवनापाणीचा खेळ खेळत आहे. जिल्ह्यातील आकडेवारीत आज रविवारी थोडीशी घट झाली आहे. आज जिल्ह्यात एकुण 809 कोरोना बाधित आढळले.
शनिवारी एकुण आकडेवारीत वाढ झाल्यानंतर आज रविवारी एकुण आकडेवारीत घट झाली आहे. आज आढळलेल्या आकडेवारीत पुन्हा संगमनेर तालुका टॉपवर राहीला आहे. पारनेर तालुका दुसर्‍या तर श्रीगोंदा तालुका तिसर्‍या स्थानावर आहे.
शनिवारी जिल्ह्यात 1047 रुग्णांना रुग्णालयातून डिस्चार्ज देण्यात आला. यामुळे आतापर्यंत बरे झालेल्या रुग्णांची संख्या 2 लाख 92 हजार 924 एवढी झाली आहे. तर शनिवारी उपचार घेणार्‍या रुग्णांची संख्या 5 हजार 804 एवढी होती. तसेच कोरोनामुळे मृत्यू झालेल्याची पोर्टलवरील नोंद 6 हजार 297 एवढी होती.
कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.
आज रविवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 185, खाजगी प्रयोगशाळेतील तपासणी अहवालात 297 तर अँटीजेन चाचणीत 327 असे 809 कोरोना बाधित आढळून आले.
आज आढळून आलेली तालुकानिहाय आकडेवारी पुढीलप्रमाणे- संगमनेर 114, पारनेर 106, श्रीगोंदा 72, नेवासा 65, अकोले 64, शेवगाव 63, जामखेड 58, नगर ग्रामीण 43, राहाता 43, पाथर्डी 41, कर्जत 37, राहुरी 31, श्रीरामपूर 26, नगर शहर 21, इतर जिल्हा 16, कोपरगाव 07, मिलटरी हॉस्पिटल 02 असे कोरोना बाधित आढळून आले.
EnxLhtYCzDVeGQTB