अहमदनगर । वीरभूमी- 18-Aug, 2021, 12:00 AM

गेल्या तीन दिवसापासून अहमदनगर जिल्ह्यातील कोरोना बाधितांची आकडेवारी घटू लागली होती. मात्र आज बुधवारी अहमदनगर जिल्ह्यात एकुण 769 कोरोना बाधित आढळले. हा वाढलेला आकडा पारनेर व संगमनेरमुळे वाढल्याचे आकडेवारीवरून दिसून येत आहे.

आज आढळलेल्या आकडेवारीत पुन्हा पारनेर तालुका पुन्हा टॉपवर आला आहे. त्याखालोखाल संगमनेरचा क्रमांक लागतो. या दोन्ही तालुक्याची आकडेवारी शंभरच्या पुढे असून इतर तालुके 57 च्या आत आहेत.

मागील तीन दिवसापासून कोरोना बाधितांची आकडेवारी कासव गतीने घटत चालली होती. मात्र आज पारनेर व संगमनेर तालुक्यातील आकडेवारीने एकुण आकडेवारीत वाढ झाली आहे. यामुळे या दोन्ही तालुक्याची चिंता वाढली आहे.

सध्या निर्बंध शिथिल करण्यात आल्याने नागरिकांनी काळजी घ्यावी. घराबाहेर पडतांना कोरोना संसर्ग टाळण्यासाठी नागरिकांनी नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.

आज बुधवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 208, खाजगी प्रयोगशाळेतील तपासणी अहवालात 255 तर अँटीजेन चाचणीत 306 असे 769 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- पारनेर 144, संगमनेर 139, नगर ग्रामीण 57, अकोले 54, पाथर्डी 53, शेवगाव 53, श्रीगोंदा 50, जामखेड 31, नेवासा 31, राहाता 29, नगर शहर 28, कर्जत 26, इतर जिल्हा 21, श्रीरामपूर 19, कोपरगाव 18, राहुरी 16 असे कोरोना बाधित आढळून आले.