अहमदनगर । वीरभूमी- 23-Aug, 2021, 12:00 AM

आज आढळलेल्या कोरोना (corona) बाधितांचा आकडा किंचितसा वाढला आहे. आज सोमवारी जिल्ह्यात 596 कोरोना बाधित आढळले. कोरोना बाधितांची आकडेवारी एक दिवस कमी तर एक दिवस जास्त होत असल्याने चिंता वाढत आहे. (ahmednagar corona update)

आज आढळलेल्या बाधितांमध्ये संगमनेर (sangamner) टॉपवर आहे. मात्र संगमनेरची आकडेवारी 91 च्या आत असल्याने काही अंशी दिलासा मिळत आहे. दुसरा क्रमांकावर पारनेर (parner) असून तिसर्‍या स्थानी श्रीगोंदा (shreegonda) आहे.

काल रविवारी कोरोना बाधितांचा आकडा घटल्यानंतर आज सोमवारी यामध्ये किंचितशी वाढ झाली आहे. नागरिकांनी विनाकारण घराबाहेर पडू नये, नियमित मास्क वापरावा. नियमित हात स्वच्छ धुवावे तसेच कोरोना नियमाचे पालन करण्याचे आवाहन करण्यात येत आहे.

आज सोमवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 146, खाजगी प्रयोगशाळेतील तपासणी अहवालात 289 तर अँटीजेन चाचणीत 161 असे 596 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 91, पारनेर 76, श्रीगोंदा 64, नगर ग्रामीण 60, अकोले 51, राहुरी 42, शेवगाव 36, पाथर्डी 34, कर्जत 30, नेवासा 28, श्रीरामपूर 18, राहाता 16, जामखेड 15, कोपरगाव 15, नगर शहर 14, इतर जिल्हा 06 असे कोरोना बाधित आढळून आले.