अहमदनगर । वीरभूमी- 20-Sep, 2021, 12:00 AM

अनेक दिवसाच्या प्रतिक्षेनंतर अहमदनगर जिल्ह्यातील आकडेवारीत मोठी घट झाली आहे. घटत्या आकडेवारीने दिलासा मिळाला आहे. मात्र संगमनेर तालुक्याची आकडेवारी शंभरी पार असल्याने चिंता व्यक्त केली जात आहे. आज सोमवारी अहमदनगर जिल्ह्यात एकुण 560 कोरोना बाधित आढळले.

सोमवारी अहमदनगर जिल्ह्यातील आकडेवारीत घट झाली आहे. संगमनेर तालुका वगळता इतर तालुक्याची आकडेवारी 68 च्या आत आहे. आज आढळलेल्या बाधितांमध्ये संगमनेर पाठोपाठ अकोले, पारनेर, शेवगाव असा क्रम लागतो.

आज सोमवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 136, खाजगी प्रयोगशाळेतील तपासणी अहवालात 259 तर अँटीजेन चाचणीत 165 असे 560 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 116, अकोले 68, पारनेर 49, शेवगाव 43, कर्जत 32, पाथर्डी 32, श्रीगोंदा 29, नेवासा 27, नगर शहर 25, कोपरगाव 22, राहाता 22, नगर ग्रामीण 19, राहुरी 19, जामखेड 13, इतर जिल्हा 12, भिंगार 02, मिलटरी हॉस्पिटल 02 असे कोरोना बाधित आढळून आले.

कोरोना संगर्स रोखण्यासाठी नागरिकांनी नियमित मास्कचा वापर करावा, सोशल डिस्टन्सिंग नियमाचे पालन करावे. नियमित स्वच्छ हात धुवावे. शासनाने ठरवून दिलेल्या नियमाचे पालन करावे, असे आवाहन प्रशासनाच्यावतीने करण्यात येत आहे.