अहमदनगर । वीरभूमी- 02-Oct, 2021, 12:00 AM

अहमदनगर जिल्ह्यातील कोरोना बाधितांच्या आकडेवारीत आज शनिवारी घट झाल्याने काहीअंशी दिलासा मिळाला आहे. शनिवारी नगर जिल्ह्यात एकुण 505 कोरोना बाधित आढळले.

आज आढळलेल्या कोरोना बाधितांमध्ये श्रीगोंदा तालुका टॉपवर आला आहे. मात्र ही आकडेवारी 66 च्या आत असल्याने दिलासा मिळत आहे. दुसर्‍या स्थानावर संगमनेर तर तिसर्‍या स्थानावर पारनेरचा क्रमांक लागतो. मात्र ही आकडेवारी शुक्रवारच्या तुलनेत कमी असल्याने दिलासा मिळत आहे.

मात्र आज आढळलेल्या बाधितांमध्ये श्रीगोंदासह नगर शहर, शेवगाव, अकोलेमध्ये कोरोना बाधितांचा आकडा शुक्रवारच्या तुलनेत वाढला आहे. यामुळे काहीअंशी चिंता व्यक्त केली जात आहे. मात्र ही आकडेवारी तुलनेत कमी असल्यामुळे दिलासा मिळत आहे.

आज शनिवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 111, खाजगी प्रयोगशाळेतील तपासणी अहवालात 245 तर अँटीजेन चाचणीत 149 असे 505 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- श्रीगोंदा 66, संगमनेर 57, पारनेर 50, शेवगाव 49, राहाता 44, नगर शहर 36, श्रीरामपूर 27, राहुरी 24, कर्जत 23, कोपरगाव 23, नेवासा 22, पाथर्डी 22, अकोले 21, नगर ग्रामीण 18, इतर जिल्हा 14, जामखेड 08, भिंगार 01 असे कोरोना बाधित आढळून आले.

कोरोना संसर्ग रोखण्यासाठी नागरिकांनी शासनाने ठरवून दिलेल्या नियमांचे पालन करणे गरजेचे आहे. यामध्ये विनाकारण घराबाहेर पडू नये, नियमित मास्क लावावा, सोशल डिस्टन्सिंग नियमाचे पालन करावे, नियमित सॅनिटायझरचा वापर करावा.