अहमदनगर । वीरभूमी- 16-Oct, 2021, 12:00 AM

अहमदनगर जिल्ह्याचा आज शनिवारी मोठा दिलासा मिळाला आहे. आज जिल्ह्यात एकुण 258 कोरोना बाधित आढळले आहेत. यामुळे नगर जिल्ह्याची वाटचाल कोरोनामुक्तीच्या दिशेने होत असल्याचे दिसत आहे.

आज आढळलेल्या बाधितांमध्ये संगमनेर पहिल्या क्रमांकावर आहे. मात्र येथील आकडेवारी 49 च्या आत असल्याने समाधान मिळत आहे. दुसर्‍या स्थानावर पारनेर तालुका असून पारनेरची आकडेवारी शुक्रवारच्या तुलनेत एकने वाढली आहे.

आज आढळलेल्या बाधितांच्या आकडेवारीत विशेष म्हणजे पारनेर वगळता इतर तालुक्यांच्या आकडेवारीत मोठी घट झाली आहे. तसेच नगर ग्रामीण, नेवासा, इतर जिल्हा, शेवगाव, श्रीरामपूर, जामखेड, पाथर्डी येथील आकडेवारी एक अंकी आली आहे. यामुळे नगरकरांना मोठा दिलासा मिळत आहे.

आज शनिवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 85, खाजगी प्रयोगशाळेतील तपासणी अहवालात 139 तर अँटीजेन चाचणीत 34 असे 258 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 49, पारनेर 37, राहाता 32, राहुरी 22, नगर शहर 16, अकोले 15, कोपरगाव 12, कर्जत 11, नगर ग्रामीण 9, नेवासा 8, इतर जिल्हा 8, शेवगाव 6, श्रीरामपूर 5, जामखेड 3, पाथर्डी 3 असे कोरोना बाधित आढळून आले.

अहमदनगर जिल्ह्यातील एकुण आकडेवारीत घट झाल्याने समाधान व्यक्त होत आहे. मात्र तरीही नागरिकांनी मास्क, सॅनिटायझर व सोशल डिस्टन्सिंग नियमांचे पालन करणे गरजेचे आहे. तसेच शासनाने ठरवून दिलेल्या नियमांचे पालन करण्याचे आवाहन करण्यात येत आहे.