अहमदनगर । वीरभूमी- 17-Oct, 2021, 12:00 AM

अहमदनगर जिल्ह्यातील रहिवाश्यांना आजही मोठा दिलासा मिळत आहे. आज आढळलेल्या बाधितांमध्ये आजही मोठी घट झाली आहे. आज रविवारी जिल्ह्यात एकुण 226 कोरोना बाधित आढळले.

आज आढळलेल्या बाधितांची संख्या धमी असली तर कोपरगाव तालुक्यात शनिवारच्या तुलनेत वाढ झाली आहे. त्याचप्रमाणे श्रीगोंदा, कर्जत, नेवासा, शेवगाव जामखेड, श्रीरामपूर, नगर ग्रामीण येथील आकडेवारीत थोडीशी वाढ झाली आहे. यामुळे काही प्रमाणात चिंता व्यक्त होत आहे.

नेहमी मोठा आकडा असलेल्या संगमनेर, पारनेर तालुक्यांना आज दिलासा मिळाला. मात्र इतर ठिकाणची आकडेवारीत थोडीशी वाढ झाल्याचे दिसत आहे. यामुळे या तालुक्यात काळजी घेण्याची गरज आहे.

आज रविवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 71, खाजगी प्रयोगशाळेतील तपासणी अहवालात 88 तर अँटीजेन चाचणीत 67 असे 226 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- राहाता 28, कोपरगाव 23, श्रीगोंदा 23, कर्जत 21, पारनेर 17, अकोले 16, राहुरी 16, नगर शहर 14, नगर ग्रामीण 14, संगमनेर 13, श्रीरामपूर 12, नेवासा 10, शेवगाव 07, जामखेड 06, इतर जिल्हा 03, पाथर्डी 03 असे कोरोना बाधित आढळून आले.

जिल्ह्यातील एकुण आकडेवारीत घट झाली तरी नागरिकांनी मास्क, सॅनिटायझर व सोशल डिस्टन्सिंग नियमांचे पालन करणे गरजेचे आहे. तसेच शासनाने ठरवून दिलेल्या नियमांचे पालन करून कोरोना प्रतिबंधक लसीकरण घ्यावे असे आवाहन करण्यात येत आहे.