जिल्हा रोलर स्केटिंग स्पर्धेत श्रीगोंद्याचे सात खेळाडू चमकले
श्रीगोंदा ग्रामीण । वीरभूमी- 29-Oct, 2021, 03:45 PM
श्रीगोंदा ग्रामीण । वीरभूमी-
नुकत्याच भिंगार येथे संपन्न झालेल्या जिल्हास्तरीय स्केटिंग स्पर्धेत श्रीगोंदा येथील सात खेळाडूंनी विशेष कामगिरी केली. या सातही खेळाडूंचे सर्वस्तरातून कौतूक होत आहे.
भारतीय स्केटिंग महासंघ अंतर्गत अहमदनगर जिल्हा रोलर स्केटिंग फेडरेशनच्या वतीने नुकत्याच जिल्हास्तरीय रोलर स्केटींग स्पर्धा भिंगार येथील प्रियदर्शनी पब्लिक स्कूल येथे पार पडल्या. या स्पर्धेत श्रीगोंदा येथील सात खेळाडूंनी चमकदार कामगिरी करत जिल्हास्तरीय स्पर्धा गाजवली. दि. 26 ते 29 नोव्हेंबर दरम्यान वसई-विरार येथे होणार्‍या राज्यस्तरीय स्पर्धेसाठी सात विद्यार्थ्यांची निवड झाली आहे.
राज्यस्तरीय स्पर्धेसाठी शौर्य राऊत, आर्यन गोरे, तनुष्का गोरे, ओंकार गोरे, सागर भुयार, सुमित भोसले, श्रुती आनंदकर यांची निवड झाली आहे. या खेळाडूंना जयेश व सिद्धेश आनंदकर या शिक्षकांचे मार्गदर्शन लाभले.
यशस्वी खेळाडूंचे राष्ट्रवादी प्रदेश उपाध्यक्ष घनश्याम शेलार, माजी आमदार राहुलदादा जगताप, जिल्हा परिषदेचे माजी अध्यक्ष बाबासाहेब भोस, नागवडे कारखान्याचे चेअरमन राजेंद्र नागवडे, नगराध्यक्षा शुभांगी पोटे, उपनागराध्यक्षा मनीषा लांडे, अरुण महाराज महापुरुष, पोपटराव खेतमाळीस, ग्रँडमास्टर संजय आनंदकर, नगरसेवक प्रशांत गोरे यांनी अभिनंदन केले आहे.
1bohkw