अहमदनगर । वीरभूमी- 19-Dec, 2021, 02:18 PM

मागील काही दिवसापासून अहमदनगर जिल्ह्यातील कोरोना बाधितांचा आकडा शंभरच्या आत आहे. आज रविवारी जिल्ह्यातील एकुण आकडेवारी 38 च्या आता असल्याने दिलासा मिळत आहे.

आज रविवारी जिल्ह्यात एकुण 38 कोरोना बाधित आढळले आहेत. आज आढळलेल्या बाधितांमध्ये सर्वाधिक कोरोना बाधित अकोले व संगमनेर तालुक्यात आढळले असून तो आकडा प्रत्येकी 6 एवढा आहे.

कोरोना बाधितांचा आकडा घटत असला तरी नव्याने आलेल्या ओमायक्रॉन व्हेरिएंटमुळे काळजी घेण्याची गरज आहे. राज्यात ओमायक्रॉनचा शिरकाव झाला आहे. यामुळे नागरिकांनी कोरोना प्रतिबंधक लसीकरण करून नियमांचे पालन करावे, असे आवाहन करण्यात येत आहे.

आज रविवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 13, खाजगी प्रयोगशाळेतील तपासणी अहवालात 18 तर अँटीजेन चाचणीत 7 असे 38 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- अकोले 6, संगमनेर 6, श्रीगोंदा 5, नगर शहर 4, नगर ग्रामीण 4, कर्जत 3, राहुरी 3, नेवासा 2, इतर जिल्हा 1, पारनेर 1, पाथर्डी 1, शेवगाव 1, श्रीरामपूर 1 असे कोरोना बाधित आढळून आले. तर जामखेड, कोपरगाव, राहाता, भिंगार, मिलटरी हॉस्पिटल, इतर राज्य येथील आकडेवारी शुन्यांवर आहे.