अहमदनगर । वीरभूमी- 28-Dec, 2021, 12:43 PM

मागील काही दिवसापासून अहमदनगर जिल्ह्यातील कोरोना बाधितांचा आकडा काही दिवस अपवाद वगळता दिवसेंदिवस घटत आहे. यामुळे नगरकरांना दिलासा मिळत आहे. मंगळवारी जिल्ह्यात एकुण फक्त 16 कोरोना बाधित आढळल्याने दिलासा मिळाला आहे.

दोन दिवस पारनेर तालुक्यातील आकडेवारी सर्वोच्च स्थानी होती. मात्र आज मंगळवारी पारनेरला दिलासा मिळाला आहे. आज पारनेरची आकडेवारी 1 वर आली आहे. आज आढळलेल्या बाधितांमध्ये सर्वाधिक आकडा नगर शहराचा असून तो आकडा 3 एवढा आहे. तर तब्बल 10 ठिकाणची आकडेवारी शुन्यांवर आली आहे.

कोरोना बाधितांचा आकडा घटत असला तरी ओमायक्रॉनचा धोका लक्षात घेता प्रत्येकाने कोरोना प्रतिबंधक नियमांचे पालन करणे गरजेचे आहे. तसेच कोरोना प्रतिबंधक लसीरकण करून घ्यावे, असे आवाहन करण्यात येत आहे.

आज मंगळवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 2, खाजगी प्रयोगशाळेतील तपासणी अहवालात 9 तर अँटीजेन चाचणीत 5 असे 16 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- नगर शहर 3, अकोले 2, कर्जत 2, नगर ग्रामीण 2, श्रीगोंदा 2, नेवासा 1, पारनेर 1, पाथर्डी 2, शेवगाव 1 असे कोरोना बाधित आढळून आले. तर जामखेड, कोपरगाव, राहाता, राहुरी, संगमनेर, श्रीरामपूर, भिंगार, मिलटरी हॉस्पिटल, इतर जिल्हा व इतर राज्य येथील आकडेवारी शुन्यांवर आहे.