अहमदनगर । वीरभूमी- 29-Dec, 2021, 12:45 PM

मंगळवारी कोरोना बाधितांचा आकडा सर्वात कमी होता. मात्र आज बुधवारी पुन्हा कोरोना बाधितांच्या आकडेवारीने उसळी घेतली आहे. यामुळे नगरकरांची चिंता वाढली आहे.

आज बुधवारी जिल्ह्यात तब्बल 62 कोरोना बाधित आढळल्याने चिंता व्यक्त केली जात आहे. मंगळवारच्या तुलनेत हा आकडा 46 ने वाढला आहे.

आज आढळलेल्या बाधितांमध्ये पारनेर तालुका टॉपवर असून तेथे आढळलेल्या बाधितांचा आकडा 21 एवढा आहे. त्या खालोखालनगर शहर व श्रीगोंद्याचा क्रमांक लागतो. येथील कोरोना बाधितांचा आकडा 7 एवढा आहे. यामुळे कासवगतीने कोरोना बाधित वाढत असल्याचे आकडेवारीवरून दिसत आहे.

आज बुधवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 39, खाजगी प्रयोगशाळेतील तपासणी अहवालात 21 तर अँटीजेन चाचणीत 2 असे 62 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- पारनेर 21, नगर शहर 7, श्रीगोंदा 7, नगर ग्रामीण 5, नेवासा 3, कर्जत 3, अकोले 2, राहाता 2, राहुरी 2, संगमनेर 2, इतर जिल्हा 2, जामखेड 1, कोपरगाव 1, मिलटरी हॉस्पिटल 1, पाथर्डी 1, शेवगाव 1, श्रीरामपूर 1 असे कोरोना बाधित आढळून आले. तर भिंगार व इतर राज्य येथील आकडेवारी शुन्यांवर आहे.

आपल्या परिसरात कोरोना बाधितांचा आकडा कमी असला तरी काळजी घेण्याची गरज निर्माण झाली आहे. यामुळे नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.