अहमदनगर । वीरभूमी- 05-Jan, 2022, 04:03 PM
मागील काही दिवसापासून शंभरच्या आत असलेल्या कोरोना बाधितांनी आज शंभरी ओलांडली आहे. आज बुधवारी जिल्ह्यात एकुण आकडेवारीत 115 कोरोना बाधितांची भर पडली असून सर्वच ठिकाणीच्या आकडेवारीत मोठी वाढ झाल्याने चिंता वाढली आहे.
आज आढळलेल्या बाधितांमध्ये नगर शहराचा पहिला क्रमांक असून दुसर्‍या स्थानी नगर ग्रामीण तर तिसर्‍या स्थानी संगमनेरचा क्रमांक लागतो. त्याचप्रमाणे जिल्ह्यातील जामखेड व मिलटरी हॉस्पिटल वगळता सर्वच ठिकाणच्या आकडेवारीत वाढ झाली आहे.
आज बुधवारी अहमदनगर जिल्ह्यात आढळलेल्या कोरोना बाधितांमध्ये जिल्हा रुग्णालयाच्या लॅबमधील तपासणीत 47, खाजगी प्रयोगशाळा तपासणीत 52 तर रॅपिड अँन्टिजेन चाचणी अहवालात 16 असे एकुण 115 कोरोना बाधित आढळले आहेत.
आज आढळून आलेली तालुकानिहाय आकडेवारी पुढीलप्रमाणे- नगर शहर 21, नगर ग्रामीण 15, संगमनेर 10, श्रीगोंदा 9, पाथर्डी 8, पारनेर 8, अकोले 7, राहाता 6, शेवगाव 6, श्रीरामपूर 6, भिंगार 4, इतर जिल्हा 4, कर्जत 3, राहुरी 3, इतर राज्य 3, कोपरगाव 1, नेवासा 1 असे कोरोना बाधित आढळून आले. तर जामखेड व मिलटरी हॉस्पीटल येथील आकडेवारी शुन्यांवर आहे.
मागील काही दिवसापासून कोरोना बाधितांची आकडेवारी दररोज शंभरच्या आत राहत होती. मात्र आज एकुण आकडेवारीने शंभरी पार केल्याने चिंता वाढली आहे. यामुळे नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.
FeRGcvpIKuXxaE