अहमदनगर । वीरभूमी- 14-Jan, 2022, 02:52 PM

मागील दहा दिवसापासून अहमदनगर जिल्ह्यातील कोरोना बाधितांची संख्या वाढत आहे. या वाढत्या आकडेवारीमुळे नगरकरांची चिंता वाढली आहे. आज शुक्रवारी अहमदनगर जिल्ह्यात तब्बल 795 कोरोना बाधित आढळल्याने चिंताही वाढली आहे.

आज आढळलेल्या बाधितांमध्ये नगर शहराने द्विशतक गाठले असून राहाता 134 वर पोहोचले आहे. अकोले, कोपरगावनेही फीप्टी पार केली आहे. अनेक दिवसापासून कमी आकडेवारी असलेल्या ठिकाणीही आज मोठी वाढ झाली आहे.

दिवसागणिक नगर जिल्ह्यातील कोरोना बाधितांची आकडेवारी झपाट्याने वाढत आहे. यामुळे चिंता व्यक्त केली जात आहे. तरी नागरिकांनी कोरोना नियमांचे पालन करणे गरजेचे आहे.

आज शुक्रवारी अहमदनगर जिल्ह्यात आढळलेल्या कोरोना बाधितांमध्ये जिल्हा रुग्णालयाच्या लॅबमधील तपासणीत 360, खाजगी प्रयोगशाळा तपासणीत 310 तर रॅपिड अँन्टिजेन चाचणी अहवालात 125 असे एकुण 795 कोरोना बाधित आढळले आहेत.

आज आढळून आलेली तालुकानिहाय आकडेवारी पुढीलप्रमाणे- नगर शहर 200, राहाता 134, अकोले 52, कोपरगाव 52, नगर ग्रामीण 47, पारनेर 46, मिलटरी हॉस्पिटल 37, शेवगाव 32, संगमनेर 30, श्रीरामपूर 30, इतर जिल्हा 27, पाथर्डी 27, श्रीगोंदा 26, नेवासा 23, जामखेड 10, कर्जत 9, राहुरी 7, भिंगार 3, इतर राज्य 3 असे कोरोना बाधित आढळून आले.

कोरोना रोखण्यासाठी प्रत्येक नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.