अहमदनगर । वीरभूमी- 15-Jan, 2022, 02:33 PM

मागील दहा दिवसापासून वाढत असलेल्या कोरोना बाधितांच्या संख्येला आज काही अंशी ब्रेक लागला आहे. आज शनिवारी नगर जिल्ह्यात 510 कोरोना बाधित आढळले आहेत. शुक्रवारच्या तुलनेत आज 285 ने घट झाली असली तरी चिंता कायम आहे.

आज आढळलेल्या बाधितांमध्ये नगर शहराचा उच्चांक असून राहाता दुसर्‍या तर श्रीरामपूर तिसर्‍या स्थानी आहे. सुमारे सर्वच ठिकाणच्या आकडेवारीत थोडीशी घट झाली आहे. मात्र बाधितांचा आकडा मोठा असल्याने चिंता कायम आहे.

आज शनिवारी अहमदनगर जिल्ह्यात आढळलेल्या कोरोना बाधितांमध्ये जिल्हा रुग्णालयाच्या लॅबमधील तपासणीत 192, खाजगी प्रयोगशाळा तपासणीत 204 तर रॅपिड अँन्टिजेन चाचणी अहवालात 114 असे एकुण 510 कोरोना बाधित आढळले आहेत.

आज आढळून आलेली तालुकानिहाय आकडेवारी पुढीलप्रमाणे- नगर शहर 182, राहाता 63, श्रीरामपूर 32, नगर ग्रामीण 31, मिलटरी हॉस्पिटल 26, अकोले 22, शेवगाव 20, कोपरगाव 19, राहुरी 19, पाथर्डी 17, भिंगार 16, पारनेर 12, इतर जिल्हा 12, श्रीगोंदा 9, जामखेड 8, कर्जत 8, संगमनेर 7, नेवासा 5, इतर राज्य 2 असे कोरोना बाधित आढळून आले.

कोरोना रोखण्यासाठी प्रत्येक नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.